Cabugao, Ilocos Sur – Naangay ti
Salamat-Mabuhay Program dagiti Retirees iti Local Government Unit (LGU)-Cabugao
a nagpartisiparan dagiti Retirees, Pamilia-LGU idi Disiembre 21, 2012 iti sango ti Municipal
Hall, Cabugao, Ilocos Sur.
Naluktan ti programa babaen ti
Welcome Address ni Mrs. Racquel Ancheta, Vice President ti CABMEA ken Presentation of Retirees ni Miss Teresita S.
Sison, President ti CABMEA.
Naisaganad ti Tribute to Retirees ket
nakallalagip ti panagpinnadayaw ti lagipda iti serbisio ni Mrs. Linda Gazmen,
outgoing Municipal Civil Registrar kasta met da Mrs. Lorna H. Castillo ken Mrs. Rosario Corazon Abara, naapointaran a
kabarbaro a Municipal Civil Registrar.
Impeksa met ni Miss Marietta S. Cruz,
Municipal Budget Officer iti kasasaad ti panaglangenda ken ni Mrs.
Nena E. Sumagit, retiree.
Dadduma a retirees a napadayawan ket
isuda: Linda A. Baclig, Donata S. Hilario,
Dionicia R. Seatriz; Carmelo A. Azcueta, Edito S. de la Cruz, Edmund S.
Sonico, Jovencio S. Cruz, Nena E. Sumagit ken Teresita S. Bana.
Impaay ni Mayor Edgardo “Ediboy” S.
Cobangbang, Jr. ti napnuan kaipapanan a pammigbig kadagiti retirees. Imbilang ni Mayor Ediboy a
maysa a naindaklan a gapuananda ti panagserbisioda iti nabayag kadagiti kailianda. Ket iti pannakakitkitada kadagiti
nagapuananda iti aglawlaw ti ili ket
pakaragsakanda koma latta met ti tumultulong kadagiti kailianda kasta met iti
Gobierno Lokal a mangpasayaat pay ti kasasaad ti kakaisuna nga ilida a Cabugao.
Impaayan ti LGU-Cabugao iti sagut a
butaka iti tunggal retirado a nadakamat.
Imbatad ni Miss Teresita S. Sison,
HRMO Officer a maangay ti Christmas Program presentation ti lima a grupo idiay
Cabugao Central Park (CCP), Brgy. Bonifacio, Cabugao, Ilocos Sur iti karabiyan
daytoy a petsa. # (Web In-Action)
No comments:
Post a Comment