Tuesday, December 25, 2012

NARAMBAK TI KAALDAWAN TI PASKUA 2012

Cabugao, Ilocos Sur – Naballigi a nagngudo ti 9 a Simbang Gabi idi Disiembre 23, 2012. Napnuan kaipapanan met ti panangesponsor  ti Gobierno Lokal (LGU)  ti ili a Cabugao nga idauluan ni Mayor Edgardo “Ediboy” S. Cobangbang, Jr.  iti naangay nga:  Misa Rabii, 12 Midnight (Misa de Gallo) idi Disiembre 24, 2012 kasta met iti panangidaulo ti  Mother  Butlers’ Mission Guild, AP ken Catholic Womens’ League (CWL) Brgy. Catucdaan kadagiti Misa iti Simbaan Romano Katolika  iti kabigatan ti Disiembre 25, 2012 a kaaldawan ti Paskua.

Iti selebrasion ti Paskua, naaramid ti panagrambak dagiti pamilia, gunglo,  kakabagyan, gagayyem, aga-ammo, reunion, ken dadduma pay a kanaigna a taripnong iti bakasion ken kaaldawan ti Paskua. Malaksid iti panagdaya iti uneg ti pamilia, nairana met a napan nagpiknik  dagiti nagkasangay, anibersario ti ayan-ayat  ken panagdenna, clan reunion, panangpabaro ti linnangen ken tibker ti panagkakabagian ken kaarngina nga um-ummong idiay away, parke, plasa, simbaan  ken iti kadandanuman.

Ti panagrambak ti Paskua ket saan laeng a paset ti Kultura ni Ilokano no di pay ket iti sangalubongan a panagselebrar iti pannakayanak ti Naindaklan a Mannubbot. # (Web Situational Report)

No comments:

Post a Comment