Cabugao, Ilocos Sur – Nagun-od ti Barangay
Bonifacio iti Construction of Storm Drainage via Covered Canal babaen ti
Performance Challenge Fund (pcf) ti Department of the Interior and Local
Government (DILG) ken naipatungpal babaen ti Gobierno Munisipal nga idauluan ni
Mayor Edgardo “Ediboy” S. Cobangbang, Jr.
Segun ken ni Municipal Engineer Cresencio C.
Formoso, mapattapatta nga 80% ti pakabuklan ti nairingpasen iti nasao a proyekto a masarakan iti General
A. Luna St., Barangay Bonifacio, Cabugao, Ilocos Sur.
Iti pannaki-amad ti Web In-Action idi Disiembre 9,
2012, imbatad dagiti kaaduan nga agdaldaliasat a limmawa ti
sumrekan/bangketa iti nagsapalan ti kalsada no aggapuka iti National Highway ken
pimmintas ti buya iti agsumbangir ti kalsada ta nakalubanen ken napasayaat ti
kanal a pagayusan ti danum.
Innayon pay dagiti agdaldaliasat nga umili kasta
met ken ni Brgy. Captain Valentine S.
Tuyor, Jr. iti panagyamanda iti LGU iti panangilungalong ni Mayor Ediboy ken ti DILG iti pannakapasayaat ti drainage canal daytoy a kalsada ti
barangay a pagnam-ayan pay ti sapasap a makausar ken asideg a kabalbalayan iti
nasao a kalsada. # (Web Situational Report)
No comments:
Post a Comment