Cabugao, Ilocos Sur – Naaramid ti 1st Mass Wedding nga inesponsoran ti Munisipio idi malem ti Disiembre 20, 2012, babaen ti panangannong ni Mayor Edgardo S. Cobangbang, Jr., Solemnizing Officer. Naaramid ti Mass Wedding Ceremonies iti Municipal Hall Garden, Cabugao, Ilocos Sur.
Nairugi ti seremonia
babaen ti Opening Prayer ni SB Secretary Maxfel S. Suboc. Kalpasan ti
pannakakanta ti Philippine National Anthem ken Cabugao Hymn, nangipaay ti
Welcome Address ni Vice Mayor Danny Q. Gazmen. Naisaganad ti panagmartsa ti Couples sa iti Seremonia ti Kasar babaen ti
panang-solemnize ni Mayor Ediboy.
Impaay ni Mayor Ediboy
ti mensahena iti nasao a seremonia. Bininsana ti pateg ti kasar a kasapulan dagiti
immawat ti kasamientoda. Inikkan ti Alkalde Munisipal ti kaipapanan ti umuna a
pannakaangay ti Mass Wedding ditoy munisipio.
Naikkan pay dagiti nagkasar ti dua a Love Tree
seedlings iti tunggal paris nga imulada kas sagudayen ti linteg a nayetnag iti Munisipio.
Sakbayna, inwayat ti
MSWDO ken RHU-Cabugao ti Pre-Marriage Counselling kadagiti maseknan a paris
a nangawat ti kasamientoda iti nadakamat
a petsa.
Daytoy a
panangesponsor ti mass wedding ket paset
ti panangtulong ti Gobierno Lokal ti Cabugao kadagiti umili nga awan pay ti titulona iti
panagdennada iti patpatgenda tapno
naan-anayen ti kaipapanan ti panagtiponda
iti imatang ti tao ken ti Dios.
Nakikaysa met iti
nasao a seremonia dagiti kameng ti Sagguniang Bayan nga idauluan ni Vice Mayor
Danny Q. Gazmen, Kapitanes ti Barangay, empleado ti LGU, ken bisita a
naitaripnong. # (Web In-Action)
No comments:
Post a Comment