PIESTA TI BRGY. LIPIT, INATENDARAN NI MAYOR EDIBOY

Cabugao, Ilocos Sur – Naselebraran ti tinawen a panagpiesta ti Brgy. Lipit, Cabugao, Ilocos Sur idi Disiembre 8, 2012.

Sakbayna, naangay ti basketball tournament a nangparambak iti kaaldawan ti Piesta ti nadakamat a barangay. Iti karabiyan ti Disiembre 8, 2012, nakoronaan ni Reyna Vianca Mae 1^st ken uray met dagiti uppat a Runner-up Princess nga isuda 1^st Princess Angeli Kate Dolores; 2^nd Princess Jhoan Ragasa; 3^rd Princess Angel Mae Ramos; ken 4rth Princess Janice Castillo.

Nasangaili met ti Piesta  ni Bokal Christian “Basi” Purisima ken ti kaasmangna  a nangisaad ti korona  ti Reyna   idinto ta ni Mayor Edgardo “Ediboy” S. Cobangbang, Jr. a kaduana ni SB Member Vicky S. Serna  ti nangisaad ti Korona ni  Ist Princess Angeli Kate Dolores.

Iti panagmensahe ni Mayor Ediboy, kimmablaaw ken dinayawna ti napintas a pannakaorganisar ti naipabuya. Impeksa ti Ama ti Ili nga agtultuloy koma daytoy a tanipkel ti lumugar nga agigay-at ti pagsayaatan ti barangay  nga idauluan ni Brgy. Captain Bernardo Salom ket makitinnulong met  ti Gobierno Munisipal a mangilungalong  kadagiti kasapulan pay a mangpadur-as  ti Barangay Lipit.

Naaramid ti public dance a nangparagsak ti programa ti koronasion. Kalpasanna, naited dagiti gunggona  dagiti nangabak a Team iti paliga ti basketball.

Nairagup pay iti nasao a Coronation Night da Vice Mayor Danny Q. Gazmen, SB Member Vicky S. Serna, SB Member  Dr. Carlito S. Pano, SB Member Josefina S. Vallejo, SB Member Jemaima Tan-Yee, SB Member Benedict  M. Savellano, ABC President, Brgy. Captain Teddy U. Soller, SB Member  Carlos V. Sison, Hon.  DJ Savellano,  Atty. Rex Augustus S. Morales, Brgy. Captain Edgardo S. Cobangbang, Sr. ken Brgy. Captain Inocencio S. Sadac.

Nagpaay nga Emcee da Ms. Aiza Castillo, Ms. Rona H. Castillo ken Mrs. Lorna H. Castillo. 

Dagiti Opisiales ti Brgy. Lipit ket dagiti sumaganad: Brgy. Captain Bernardo Salom; Kagawad: Fortunato Castillo, Medardo Sunio, Mario Adrian Pecpec, Alvin Garcia, Ireneo Racho, Demetrio Torres ken Antonio Viloria; SK Chairman-Jeffrey Pacpaco; Brgy. Secretary Elmer Castillo; ken  Brgy. Treasurer-Maria Castillo. # (Adapted)