Cabugao, Ilocos Sur - Agtultuloy ti serbisio nga ipapaay ti Stimulation and Therapheutic Activity Center (STAC) kas iti Physical Theraphy, Occupational Theraphy ken Special Education kadagiti klienteda nga ubbing ken nagannak a naggapu iti nadumaduma a lugar a naggapuanda.
Iti pannakiuman ti Web In-Action idi Hulio 3, 2013, imbatad ni Ms. Vylaine P. Blanca, STAC Physical Theraphist a maselebraran ti National Disabled Program Recovery Week nangrugi idi Hulio 2, 2013.
Naanus dagiti STAC-Staff nga idauluan ni Ms. Jane Fernando, OT iti pannakaisuro/pannakataripato dagiti adda an-annayenna nga ubbing iti STAC-Cabugao.
As-asikasuen met ni Ms. Jocelyn B. Tabboga, STAC Social Worker ti pakaseknan dagiti ubbing/nagannak/sangaili iti aldaw nga eskediulda a papanda iti STAC-Office a masarakan ti pasdekna iti Cabugao, South Central School, Brgy. Bonifacio, Cabugao, Ilocos Sur.
Ti STAC-Cabugao ket maysa nga institusion a konektado iti MSWDO-LGU Cabugao ken mangnaynayon ti tulong kadagiti adda an-annayenna nga ubbing kas met iti Special Education Center (SPED) ti Cabugao DepED District a masarakan iti isu met laeng a pageskuelaan. # (Web In-Action)
No comments:
Post a Comment