Cabugao, Ilocos Sur – Iti pannaki-amad ti Web In-Action idi Hulio 15, 2013, impakaammo ni Dr. Bernardino P. De Gracia III, Medical Officer III iti Rural Health Unit (RHU)-Cabugao a kangrunaan unay ti panagan-annad ti maysa nga indibidual tapno saan a makapet dagiti sakit iti panagbaliw ti klima.
Innayon ni Dr. De Gracia a malaksid iti panaggurigor, panateng-uyek a pakadlawan pay ti sintomas dagiti nakaro a sakit, panawen pay ita ti panagkakawa a nangruna iti sakit ti tian ken panagibleng. Insupusop ti Doktor a kangrunaan ita iti panagdaldalus, ehersisio, balance-diet, inana ken recreation ken dadduma pay nga annuroten iti natibker a salun-at tapno nasimbeng latta iti immunity (salaknib) ti bagi iti saksakit.
Kas iti gagangay, adu ti bilang ti umili nga immay nagpaagas iti RHU pakaseknan iti medical check-up, pa-Blood Pressure, Dental, Pre-natal, Immunization a buklen dagiti maladaga, ubbing, agtutubo, lallakay ken babbaket ken agkabannuag idi Hulio 15, 2013. # (Web In-Action)
No comments:
Post a Comment