Wednesday, July 17, 2013

MANAM-AYAN TI PHILHEALTH CARD HOLDER ITA A PANAGKAKAWA

Cabugao, Ilocos Sur – Iti pannaki-amad ti Web In-Action idi Hulio 16, 2013, imbatad ti kaaduan a pasiente nga adda iti Philhealth Ward/Private kadagiti Ospital Pribado ken uray pay iti Pampubliko a pagagasan iti pannakanam-ayda iti pagrebbenganda kadagiti pagagasan ta adda a madagdagus a saranayda no seknan ida ti sakit a kasapulan a maitarusda iti uneg-pagagasan iti sumagmamano nga aldaw.

Maysa pay  a mataming babaen iti  Philhealth ket dagiti sineknan ti sakit a dengue a kasapulan iti adu a panangusisa iti kasasaad ti masakit babaen kadagiti doktor ti pagagasan.

Nupay kasta, sapasap met ti kastoy a pagimbagan a sagsagrapen dagiti pasiente a naggapu pay iti nadumaduma a lugar ngem kaaduan ti agindeg iti Munisipalidad ti Cabugao iti nangipeksa ti panagyamanda iti Gobierno Lokal (LGU-Cabugao)  nga idauluan ni Mayor Edgardo “Ediboy” S. Cobangbang, Jr. iti pannakailungalong iti  nasaknap a pannakabenepisiar ken  pannakaipatungpal ti pagimbagan-medikal dagiti umili iti pakaseknan iti pannakataming ti sagubanitda. Iti panagraira ti sakit a parnuayen ti panagbalbaliw ti klima ket saan unay a marigatan a mangpanunot dagiti umili a mangsango kadagitoy a suot ti biag gapu iti kaadda ti kaaduan iti Philhealth-da, segun pay iti dadduma a benepisiario. # (Web Situational Report)

No comments:

Post a Comment