Cabugao, Ilocos Sur – Narugianen a naraepan ti 5,000 metro-kuadrado a Learning Field dagiti Farmer-Enrollees ti Farmer’s Field School on Rice Production cum Palay Check Session ti Brgy. Dardarat, Cabugao, Ilocos Sur idi Hulio 8, 2013.
Iti panangilawlawag ni Mr. Obas Bill Y. Baclig, AT/Assistant Project Coordinator, naaramid ti 5 a Varietal Trial and Crop Establishments a nakaaramatan ti lima met a klase ti pagay ti nairaep: NSIC Rc 240, NSIC Rc 222, Mestizo 20, Bigante-ST-ROW ken Bigante Farmers Practice.
Naisigud ti Organic Fertilizer a naiyaplikar iti naparaepan a kinelleng. Straight Planting ti naaramat tapno nadardaras ti pannakausar ti weeder.
“Pagyamananmi iti LGU ken RFU 1 ta adda kastoy a kabaruanan a teknolohia ti panagmula ti pagay. Saan a lumawa ti matalon ngem umadu ketdi ti maapit. Agbalin a show-window daytoy a proyekto ti ag-60 ektarias a mataltalon iti Brgy. Dardarat,” imbatad ni Mr. Domingo Solis, Retirado nga empleado ti BAEX.
“Small Farm Reservoir wenno pagurnongan ti tudo koma met ti mainayon a pagpadanumanmi ditoy Apo. Makamat latta no aggapu ti bubon lalo no matitikag ti panagtalon,” naisingasing met ni Kagawad Marcelino Saturno.
Kabayatanna, innayon ni Teknisian Baclig a naaramid a Farmer’s Practice (tradisional a pamay-an) ti nakaraepan ti 1,000 square meters a pagbasaran ti kadaanan ken kabaruanan a wagas ti panagmula ti pagay no maibatay iti maapit.
Naregta a nagtitinnulong dagiti mannalon iti dayta a petsa a nanggamulo ken nangmula iti 5,000 square meters a demo-area ti FFS iti Barangay Dardarat. # (Web In-Action)
No comments:
Post a Comment