Cabugao, Ilocos Sur – Kangrunaan nga naigay-at iti kallabes a Tawen 2015 iti Provincial Veterinary Office ket iti implementasion ti dua a kangrunaan nga aramiden dagiti Beterinario a kas iti Preparasion ti workplan iti mass rabies vaccination ken iti Exposure Prophylaxis on Rabies.
Kabayatanna, inaksionan ti Municipal Livestock Office – DA LGU Cabugao babaen iti nailungalong a pannakaangay ti Anti-Rabies Campaign (injection ti anti-rabies kadagiti household pets a kas iti aso ken pusa) ket nayeskediul iti tunggal barangay.
Malaksid iti mayeskediul a trabaho ni Dr. Castro, isamirana pay a sarungkaran dagiti klientena a nangayab kenkuana a nagagas/agagas iti masakit a dinguen ken iti panagbakuna.
Kanaig daytoy, nagatendar ni Dr. Melvyn G. Castro, DVM, Municipal Livestock Coordinator ti LGU-Cabugao iti naaramid a Livestock Inspectors Meeting idiay Heritage City of Vigan iti kallabes a Tawen babaen iti awis ni Dr. Joey Warren A. Bragado, DVM, Provincial Veterinarian ket naipatungpalna dagiti napagnanaminganda nga aramiden iti benneg ti an-animales ditoy ilina.
Dagitoy nga aksion ken inisiatiba ket resulta iti napintas ken agtultuloy a panagkammayet ti LGU-Cabugao ken iti Gobierno Probinsial babaen iti Provincial Veterinary Office, Ilocos Sur. # (Web In-Action
No comments:
Post a Comment