Cabugao, Ilocos Sur – Narugian ti proyekto ti Konseho ti Barangay Baclig a panangsursuro kadagiti lumugar nga agdait babaen iti pannakausar ti lima a makina a pagdait (Singer Sewing Machine) mairaman kadagiti inna ken agbambantay iti ubbing nga agbasbasa iti Day Care Center iti inaldaw ditoy a barangay.
Iti pannakiuman ti Web In-Action, imbatad ni Brgy. Captain Carlos V. Sison a kiniddawna dagitoy a ramit ti pagdait ken ni Mayor Edgardo “Ediboy” S. Cobangbang, Jr. tapno mailukat a pagsursuruan dagiti dina ammo ti agdait ken uray pay dagiti makaammon nga agdait nga awan ti pagdaitanna kabayatan iti panangpalabasda ti orasda iti agmalem. Innayon ni Kapitan Sison a panggepda pay iti mangala ti mannakaammo ti agdait a mangsursuro kadagiti mapan iti Barangay Hall nga interesado nga agadal iti panagdait. # (Web In-Action)
No comments:
Post a Comment