Cabugao, Ilocos Sur – Naaramid ti 34th Provincial Jamborette ti Boy Scouts of the Philippines (Ilocos Sur Council) idiay Brgy. Babal-lasioan (Pinsal Falls), Sta. Maria, Ilocos Sur idi Enero 7-10, 2016 a no sadino a ditoy ket nagatendar ti BSP Cabugao Contingent nga indauluan ni Mr. Rodel P. Suniega, Principal ti Turod Elementary School a binadangan ni Mr. Francis de la Cruz, Head Teacher ti Reppa-ac Elementary School ken agpapaay a Cabugao District BSP Coordinator.
Inawat ti Cabugao BSP Contingent ti Certificate of Recognition ken Plake kada Hon. Jorge M. Reinante, CSEE, CEO VI, CESO V, Schools Division Superintendent/Council Scout Commissioner ken ni Hon. Vice Governor Deogracias Victor B. Savellano, BSP Council Chairman.
Umabot ti 127 a Boys Scouts manipud iti 26 a pageskuelaan-Elementaria (4 Zones) ken adda pay high school ti ili a Cabugao iti nagrubuat a kinuyog ti 30 nga Scouters (Mangisursuro) iti bigat ti Enero 7, 2016 a no sadino a ditoy ket agatendarda iti maaramid a 34th Ilocos Sur Provincial Jamborette a maangay idiay Brgy. Babal-lasioan (Pinsal Falls), Sta. Maria, Ilocos Sur idi Enero 7-10, 2016.
“Ipeksami manen ti naan-anay a panagyamanmi ken ni Mayor Edgardo “Ediboy” S. Cobangbang, Jr. iti tulong ken suporta ti LGU-Cabugao iti panagatendarmi iti nasao a Provincial Jamborette,” imbaga ni Mr. Francis de la Cruz, District BSP Coordinator iti pannakiuman ti Web In-Action kenkuana.
Timmarabay met da Mrs. Estrellita M. Siruno, Principal II ti Cabugao North Central School a kaduana dagiti BSP Troop Leaders ken BSP Institutional Representatives a buklen dagiti mangisursuro iti nadumaduma a pagadalan iti panangaywanda kadagiti Cabugao Boy Scouts kabayatan iti pannakaigannuat ti nadakamat nga aktibidad. # (Web In-Action)
No comments:
Post a Comment