MEDICAL MISSION TI ST. MARK PARISH, NAANGAY

Cabugao, Ilocos Sur – Naangay ti Medical Mission ti St. Mark Parish babaen iti panangtarabay ni Rev. Fr. Felix Costales, Parish Priest agraman dagiti Dodoktor nga isuda Dr.  Maribel Roque; Dr. Maura Gonzales; Dr. Lerida G. Rosario; Dr. Loida A. Trilles; Dr. Oandasan; Dr. Val Savella ken dadduma pay nga indibidual a timmulong iti nadakamat a Medical Mission. Naangay ti Medical  Mission iti St. Mark Parish Center idi Enero 16, 2016 a kas paset ti annongen ti Simbaan Romano Katolika nga agserbi kadagiti makasapul iti pannakaagas babaen iti itutulong dagiti indibidual.

Nasapa a nagturong dagiti agpaagas iti Parish Center ket madagdagus nga irehistroda babaen kadagiti Medical Personnel a nakadestino kadagiti naituding a lamisaan. Sumaruno ket eksamenen ti Doktor ti pasiente sa maikkan iti maikanatad nga agas daytoy.

Iti pannaki-amad ti Web In-Action kadagiti Medical Staff and Personnel a nangtarawidwid ti panagagas, nairehistro  dagiti nagpaagas iti benneg ti  Medical (saan unay a nadagsen a sakit),
ken   Dental.

Nakitinnulong met dagiti RN-Heals Nurses  iti nasao a Medical Mission. Nakikaysa ditoy da Mr. Benjamin Castillo ken ni  SBM Vicky S. Serna, agpada a Parishioner. # (Web In-Action)