Cabugao, Ilocos Sur – Mapaspasungadan pay laeng ti Christmas Season 2015 idi maiplastar dagiti agkakadaeg a Christmas Tree a naaramid iti Mountain Dew plastic soft drinks bottle. Napagaabay dagiti nadakamat a Christmas Tree iti akindaya a parte ti Cabugao Central Park (CCP), Brgy. Bonifacio, Cabugao, Ilocos Sur ket nagbalin nga atraksion dagiti agpaspasiar iti CCP Compound iti tunggal malem ken sardam kabayatan iti napaut a Holiday Season.
Iti umuna a miting ti Association of Barangay Captains (ABC) ti ili a Cabugao iti Enero 6, 2015 iti SB-ABC Building, naipakaammo dagiti umuna a tallo a nangabak a mangawat iti kadakkelan a premio nga isuda dagiti sumaganad:
Champion - Barangay Alina-ay, Premio-P20,000; 1st Runner Up – Barangay Pug-os, Premio-P15,000; 2nd Runner Up – Barangay Bungro, Premio - P10,000.
Sag-P1,000 a Consolation Prizes dagiti dadduma a barangay.
Kagiddan itoy ket naigannuat pay iti parol-making contest kadagiti pageskuelaan ti ili a Cabugao ken iti Belen-making kadagiti People’s Organization (PO’s).
Kangrunaan a nangesponsor kadagitoy a pakontes ket iti LGU-Cabugao nga idauluan ni Mayor Edgardo “Ediboy” S. Cobangbang, Jr. a maysa kadagiti aktibidad a nangkulminar iti pannakaselebrar ti Ragsak Pascua Festival 2015. # (Web In-Action)
No comments:
Post a Comment