Cabugao, Ilocos Sur – Inyallawat ni Mayor Edgardo “Ediboy” S. Cobangbang, Jr. itay nabiit dagiti Blood Pressure Monitor (Omron Brand) kadagiti Opisiales ken kameng ti Barangay Health Workers (BHWs) ti ili a Cabugao, Ilocos Sur babaen iti panangidaulo ni Mrs. Natividad Castillo, Presidente, ken agnaed iti Barangay Namruangan ditoy nga ili.
Inawat dagiti BHWs dagitoy a ramit-medikal iti Opisina ni Mayor Ediboy itay nabiit. Dagitoy a ramit ket impaay ti Gobierno Probinsial nga idauluan ni Governor Ryan Luis V. Singson ken iti Department of Health (DOH) tapno adda mainayon a mausar a pangrukod iti presion ti dara dagiti maseknan nga umili a maserbian ken kangrunaan a mausar kadagiti barbarangay.
Dagitoy nga aksion ken inisiatiba ket paset iti panangpataud kadagiti ramit ken apparatus a kasapulan iti pannakaidur-as iti pannakataming ti salun-at dagiti umili babaen iti panangitandudo ti Gobierno Munisipal nga idauluan ni Mayor Edgardo ”Ediboy” S. Cobangbang, Jr. # (Web In-Action)
No comments:
Post a Comment