Cabugao, Ilocos Sur – Agtultuloy a maangay ti Family Development Session (FDS) kadagiti kameng ti Pantawid Pamilyang Pilipino Program (4 P’s) iti kada barangay iti ili ti Cabugao iti Tawen 2016 ken partikular a narugian ita a bulan ti Enero 2016.
Iti pannaki-amad ti Web In-Action iti DSWD Municipal Link, Cabugao, ti Topiko itatta a bulan ti Enero 2016 a kangrunaan a maiyad-adal kadagiti 4 P’s Beneficiaries ket napauluan iti: “Active Citizenship, Sesyon 3: Pagtataya ng Aktibong Mamamayan tungo sa Pagpapatuloy ng Mabuti at Marangal na Pamamahala.”
Kabayatanna, maigiddan pay ti Assessment dagiti Pantawid Beneficiaries tapno maammuan ti kasasaad ti tunggal household kadagiti barangay maibasar kadagiti Special Welfare and Development Indicator.
Imbatad ni Ms. Rosemarie Pespes, Staff ti DSWD Municipal Link a makalawasdan a mangmitmiting ket kas iti sigud buklen dagiti kakaduana nga agmiting iti dua a Team iti inaldaw.
Ti implementasion ti 4 P’s ket pagkammayetan a programa ti DSWD ken ti LGU-Cabugao nga idauluan ni Mayor Edgardo “Ediboy” S. Cobangbang. Jr. tapno mapasayaat ti kasasaad dagiti napanglaw a pamilia ket agbalinda a produktibo ken naresponsable nga umili ti Cabugao. # (Web In-Action)
No comments:
Post a Comment