Tuesday, January 12, 2016

KOMENDASION TI GSP-NL REGION ITI MDRRMC-CABUGAO, NAITED

Cabugao, Ilocos Sur – Naiyawat ti Certificate of Commendation kadagiti kameng ti Municipal Disaster Risk Reduction and Management Council (MDRRMC) nga idauluan ni Mayor Edgardo “Ediboy” S. Cobangbang, Jr. kalpasan ti Flag Ceremony idi Enero 11, 2016 iti sango ti Munisipio.


Binayabay dagiti kameng ti MDRRMC-WASAR Team ti Ama ti Ili iti panangawatda ti pammadayaw nga inimatangan ti Pamilia-LGU maigapu iti pannakamantener ti linak ken talna ken pannakaipaay ti naan-anay  a seguridad kadagiti Girl Scout Campers (nangrugi idi Disiembre 10, 2015 ken nagpatingga idi Disiembre 13, 2015)   iti naaramid  a 43rd Junior and 55th Senior Regional Encampments a nagpartisiparan dagiti kameng ti Girl Scouts of the Philippines (GSP) iti tallo a Rehion : Cagayan Valley; Ilocos Region ken ti Cordillera Administrative Region (CAR) a mangbukel  iti 16 a GSP Participating Councils  kas iti sumaganad: Cagayan, Isabela, Quirino, Nueva  Vizcaya; Pangasinan; La Union; Abra, Baguio, Batanes, Benguet, Dagupan, Ifugao, Ilocos Norte-Laoag, Ilocos Sur, Kalinga-Apayao,  ken ti Mountain Province. 

Kabayatanna, malaksid iti akem dagiti Kapolisan (Munisipal ken Provincial) a pannakaaywan dagiti  Girl Scout ket nagpaay met a Multiplier Force ti  MDRRMC-WASAR Team nga inyuna  ni Engr. Nestor B. Somera kasta metten dagiti kameng ti Public Safety Officer (Blue Boys tapno  agtultuloy a nangiwardas ti Trapiko iti Entrance/Exit ti Kampo kasta metten kadagiti naglabas a Motorista ken Lugan iti Kalsada Nasional.`

Napirmaan ti Certificate of Commendation babaen kada Judge Marybelle D. Marinas, Regional Chairperson ti GSP Northern Luzon  Region ken ni Ms. Laila F. Morales, NL Regional Executive Director iti nadakamat a Sertipiko ti Pammadayaw. # (Web In-Action)

No comments:

Post a Comment