Monday, January 4, 2016

TULOY TI DUTY ITI LYING-IN KEN RHU ITI HOLIDAY SEASON

Cabugao, Ilocos Sur – Pinatalgedan ni Dr. Bernardino P. De Gracia, Municipal Health Officer ti ili a Cabugao, Ilocos Sur iti pannakiuman ti Web In-Action iti Enero 5, 2016  nga agtultuloy ti serbisio nga impaay dagiti Personnel iti Cabugao Lying-in Center ken ti Rural Health Unit (RHU)-Cabugao iti napaut a Holiday Season (Disiembre 23, 2015 agingga iti Enero 3, 2016) 

Kanaig daytoy, imbatad dagiti Medical Personnel ti RHU-Cabugao nga adda pito a kakaduada nga agreliebo (2 a Personnel ti kada 12 nga oras) nga agasikaso iti mapan a pasiente iti Lying-in Center ken iti RHU iti unos ti 24 oras iti aldaw ti Sabado ken iti Domingo. Dagitoy nga eskediul ket napagkaykaysaanda  nga agtultuloy a maipatungpal babaen iti puersa ti Municipal Health Office-Cabugao.

Naammuan pay iti mapagdamagan nga awan ti naipan a biktima ti napaputokan idi selebrasion ti Baro a Tawen  2015 ditoy Balay-Pagagasan ket kinompirmar pay ni Chief of Police Senior Inspector Ramil A. Llarenas a “Zero Casualty” iti pakaseknan ti  paputok iti nasao a selebrasion ditoy nga ili.

Malaksid iti agtaming iti masakit ken aganak ket tumulong dagiti nadakamat a Medical Personnel nga agdalus iti uneg ken ruar  ken mangisagana iti Lying-in ken iti RHU Building iti sumaruno nga aldaw a pannakausarda.

Innayon pay dagiti Medical Personnel a kayatda nga agtultuloy a maitandudo ti Vision iti Balay Pagagasan ti ili: “Quality Health Services for a Healthy Citizenship toward a healthy Municipality” ita ken iti sumarsaruno pay a tawen.   # (Web In-Action)

No comments:

Post a Comment