2nd DAY TI SEMINAR, NABALLIGI

Cabugao, Ilocos Sur – Naileppas ti maikadua nga aldaw ti seminar dagiti kabarbaro nga Opisiales ti Barangay a kaaduanna ti Kapitanes, Kagawad, Brgy. Secretaries ken Brgy. Treasurers iti 11 a barangays ti ili a nakaiyadalan iti “Laying the Foundation for Grassroots Renewal Empowerment for Accountable and Transparent (Great) Barangays” a Paulo ti tallo  nga aldaw a naisangrat para iti seminar.

Iti dayta nga aldaw ket naisuro dagiti Internal Rules and Procedures ken iti panamagsasaruno nga addang  iti panangaramid ti Session ti Sangguniang Barangay, panangbukel ti Annual Budget ken panagpanday ti nadumaduma a klase ti Ordinansa a  pakaseknan iti pannakatagiben ti urnos ken talna ti barangay agraman iti pagkakitaan ti barangay. Naaramid met dagiti “eyes breaker”  babaen kadagiti naglektiur tapno maikkat dagiti kettang dagiti nagdengngeg. Kaaduanna ti workshop a naaramid nangruna iti panagaramidan ti resolusion ken ordinansa.

Manamnama a maileppas daytoy a panagsanay iti Enero 30, 2014 nga agresulta iti kaadda metten ti pamalpalatpatan nangruna dagiti baro nga agtakem ken iti panangipakatda kadagiti inadalda a naadaw met laeng iti Local Government Code a pannakabiblia ti Barangay Administration. # (Web In-Action)

KANGRUNAAN A KALSADA, MASAKUPAN TI PANAGDALUS

Cabugao, Ilocos Sur – Pinareggetan ti Clean and Green Task Force nga idauluan ni MENRO Edgar S. Balangatan, AT     iti agtultuloy a panagdaldalus iti agsumbangir ti  Kalsada Nasional manipud iti Brgy. Sagayaden agingga iti Barangay Pug-os kasta met iti kalsada nga agtungpal  idiay Port Salomague, Brgy. Salomague,  Cabugao, Ilocos Sur.

Segun ken ni Mr. Humprey S. Catriz, JO ken Driver ti mini-dump truck ti Munisipio a pagilugananda kadagiti maputed a sanga ken madalusanda ket itultuloyda  kadagiti kakaduada a dalusan ti agsumbangir a paset ti maibilang a Kalsada Nasional a mapan iti Puerto Salomague.

Innayon ni Mr. Catriz nga uray saanda a naikoordinar  kadagiti makabatog a barangay ket siaayat met a tumulong dagiti Opisiales ti Barangay a makipagdalus/mangibaon ti agdalus a katulongan ti grupo ti Taga-Munisipio.

Dagitoy nga aksion ken inisiatiba ket gubuay iti agtultuloy ken napintas a koordinasion dagiti Personnel ti Munisipio, DPWH Personnel, pannakabagi dagiti asosasion iti salinong ti Barangay iti pannakamantener ti kinadalus ken ti kinasagana ti aglawlaw para iti panagpasiar dagiti bisbisita. # (Web In-Action)

AWAN TI BAKASION, SERBISIO TI LYING-IN KEN RHU

Cabugao, Ilocos Sur – Kalpasan ti Flag Raising Ceremony idi Enero 27, 2014, naibislin iti panagsarita ni Mayor Edgardo “Ediboy”  S. Cobangbang, Jr. kadagiti Pamilia-LGU   ket binigbigna ti kaadda ti naka-duty a Personnel iti RHU-Cabugao iti aldaw ti Domingo.

Innayon ni Mayor Ediboy a nasayaat  a pagtuladan daytoy a service-oriented a grupo ti Pamilia-LGU a maysa a parupa ti Munisipio iti sapasap.

Kanaig daytoy, imbatad dagiti Medical Personnel ti RHU-Cabugao nga adda pito a kakaduada nga agreliebo (2 a Personnel ti kada 12 nga oras) nga agasikaso iti mapan a pasiente iti Lying-in Center ken iti RHU iti unos ti 24 oras iti aldaw ti Sabado ken iti Domingo. Dagitoy nga eskediul ket napagkaykaysaanda  nga agtultuloy a maipatungpal babaen iti puersa ti Municipal Health Office-Cabugao.

Malaksid iti agtaming iti masakit ken aganak ket tumulong dagiti nadakamat a pito a Medical Personnel nga agdalus iti uneg ken ruar  ken mangisagana iti Lying-in ken iti RHU Building iti sumaruno nga aldaw a pannakausarda.

Innayon pay dagiti Medical Personnel a kayatda a maitandudo ti Vision iti Balay Pagagasan ti ili: “Quality Health Services for a Healthy Citizenship toward a healthy Municipality.” # (Web In-Action)

KANNAWIDAN FESTIVAL, MAKIPASET TI LGU-CABUGAO

Cabugao, Ilocos Sur – Kalpasan ti Flag Raising Ceremony idi Enero 27, 2014, impakaammo ni Mayor Edgardo “Ediboy” S. Cobangbang, Jr. iti naan-anay a pannakipartisipar ti Gobierno Lokal ti ili a Cabugao, Ilocos Sur iti pannakaangay iti “Ylocos Kannawidan Festival,  Partuat ken Patanor Trade Fair”  a mangrugi iti Enero 29, 2014  ken  agpatingga inton Pebrero 4, 2014.

Kanaig daytoy, impalagip ni Mayor Ediboy dagiti maiyataday  a maisagana babaen kadagiti maseknan a Departamento ti Munisipio ken kangrunaan iti pannakipaset ti LGU Cabugao iti Trade Fair a pakaaramidan ti kabukbukodan a Booth-na  para iti “Best Dressed Booth Competition”  a mangkulminar kadaytoy a tallo  nga aldaw a Piesta ti Gobierno Probinsial ti Ilocos Sur.

Maangay ti Kannawidan Festival iti Quirino Stadium, Bantay, Ilocos Sur iti nadakamat a petsa ket naimbitaran  ti amin nga LGUs ti Probinsia ti Ilocos Sur babaen  iti awis  ni  Governor Ryan Luis V. Singson.

Kabayatanna, inggannuat ti DA-LGU Cabugao nga idauluan ni Municipal Agriculturist Zenaida S.  Andrada iti pannakapataud/nagurnong  kadagiti dadduma a kangrunaan a maisagana a produkto-agrikultura ti ili a  maidispley iti Partuat ken Patanor Trade Fair Exhibit ken iti pannakasurot dagiti Terms and Conditions iti makipaset nga LGU Exhibitor.

Maragsakan pay ni Mayor Ediboy a nangipeksa ken agraman dagiti umili ti Cabugao ta makiparpartisipar ti LGU-Cabugao kadagiti programa a pakaseknan ti LGU iti Gobierno Probinsial kas iti Kannawidan Festival. # (Web In-Action)

PAINTING TI COVERED CANAL, PROYEKTO TI BRGY. RIZAL

Cabugao, Ilocos Sur – Agdama ita a maar-aramid ti pain ting/repainting dagiti Covered Canal iti nadumaduma a Kalsada ti  Brgy. Rizal, Cabugao, Ilocos Sur.

Segun ken ni Kagawad Gabriel G. Sunio, mangtartarawidwid kadaytoy a trabaho,  kinunana a napintaanen/mapinpintaan ti Processional Route ti Gen. A. Luna St., agsumbangir a paset ti Pacis Street ken iti M. Savellano St. iti nadakamat a barangay.

Maisaruno a mapintaan ti Covered Canal iti agsumbangir a paset ti Sison Street ken iti Isabelo De los Reyes St..

Innayon ni Kagawad Sunio a daytoy a gannuat ti Barangay ket nausar ti 20% Development Fund (IRA)  para iti Painting/Repainting of Sidewalks and Curves ti Barangay.

Insupusop pay  ti Kagawad nga agtultuloy a maipatungpal ti Cleanliness Drive babaen iti panagdalusda kadagiti amin a sidewalks ti barangay iti tunggal aldaw ti  Sabado. Mairaman pay iti pruning dagiti nagleppay a sanga ti kayo kadagiti Kalsada.

Kanaig daytoy, agtultuloy a maipakpakat  ti panagtiliwda iti ibbet nga aso kadagiti kalsada. Kasta pay a manmantenerenda iti kinadalus ti paset ti barangay a mabatoganda iti Osmena Bridge kasta met iti Tree Park a masarakan iti amianan-a-daya ti nasao a rangtay.

Ti Brgy. Rizal ket maysa kadagiti uppat a  naprogreso a barangay iti Poblasion iti ili a Cabugao, Ilocos Sur nga idauluan ni Brgy. Captain Thaddeus “Teddy” U. Soller.  # (Web In-Action)

ALS, PAPPAPIGSAEN TI DepED

Cabugao, Ilocos Sur – Maysa kadagiti panggep ti Millenium Development Goal (MDG) ti Department of Education (DepED) ket iti “Universalization of Primary (Basic) Education ken dagiti panggep ti “Education for All”  (EFA) ket  nairaman ti Alternative Learning System (ALS) a pappapigsaen ti Ahensia tapno maallangon dagiti nagkaadu a “Drop Outs” a mangtubeng  iti panagannayas ti programa ti Edukasion.

Ditoy Cabugao, Ilocos Sur, naisaad iti Cabugao South Central Schools (CSCS)  a Learning-Based ti ALS iti Cabugao DepED District ket imbaga ni Mr. Warren Sumibcay, ALS Mobile Teacher,   nga adda 80 a Clientele-Learners ti ALS iti SY 2013-2014. Innayonna nga adda met 56 a nageksamen idi Oktubre 2013 ket no maipasada ti Test, maikkanda ti Diploma iti DepED ket mabalinda nga agenrol iti 4-5 a Tawen a Kurso iti Kolehio iti  umay a panagseserrek ti klase (Hunio 2014). Maammuan dagiti makapasa iti eksamen iti umuna a lawas ti Marso 2014.

Iti agdama, maibatay iti rekord ni Mr. Sumibcay, addan 15 nga agtutubo a nagenrol iti ALS para iti SY 2014-2015 iti nangay a Registration Day idi Enero 25, 2014.

Insupusop ti Mobile Teacher nga agtultuloy a makikokoordinar kadagiti Barangay Officials, PTAs, House-to-House iti lugar dagiti potensial a Kliente para iti recruitment tapno magun-odna ti 75 nga estudiante a mabalin a pakabuklan ti maysa a klase nga isurona iti makatawen. 

Ti Alternative Learning System (ALS) ket adda pay iti babaen iti Dropout Reduction Program (DORP) a pappapigsaen ti Ahensia ti DepED iti agdama. # (Web In-Action)

PANAGGATANG TI NATENG, KABAELAN TI PRODUCERS

Cabugao, Ilocos Sur – Saan a problema ita a panagnanateng (Dry Season Crop 2013-2014)  ti panaglako dagiti mannalon iti produktoda a nagduduma a nateng maigapu ta pinadas metten ti Cabugao Vegetable Growers and Producers Association nga idauluan ni Mr. Armando Azcueta iti agangkat ti ilakoda a bulto ti nateng kas iti ar-aramiden dagiti local traders ken dumaydayo a bagonan nga aggapu iti Urdaneta ken Balintawak ditoy bagsakan ti nateng iti ili ti Cabugao, Ilocos Sur.

Innayon ni Mr. Azcueta a nupay nangingngina no maminsan iti P2 ti kada kilo ti presio dagiti dumayo a Traders, kayatda latta met ta adda mapasamak a kompetision ti panaggatang a mangital-o ti presio  ket maisagut met dagiti nakauna nga agmula ti nateng a kailianda.

Nupay kasta, imbatad ni Mr. Azcueta iti singasingna a maikkan koma ti Municipal Permit dagiti amin nga agangkat ken aggatang ti nateng idiay bagsakan ta isu pay a mapastrek ti kaha ti ili ken maiprayoridad met dagiti barangay nga agmulmula a pakaipanan ti proyekto a mangpasayaat ti kasasaad dagiti Vegetable Growers.

Iti agdama, impadamag ni Mr. Azcueta nga agipakpakargada ken  dagiti kakaduana iti ilakoda a nateng idiay Urdaneta ken Balintawak a dumalan iti “Temporario a Bagsakan” iti umabot ti 7,000 a kilos (7 Tons) ket maus-usar dagiti naipasublat a “Soft Loan” manipud iti LGU Cabugao a pag-kapitalda a  Vegetable Growers.

Insupusop pay ni Mr. Azcueta a kasapulan met dagiti padana nga agmulmula ti nateng a taliawenda  ti LGU a mangtultulong kadakuada a no maaprobaran ti Municipal Permit kadagiti aggatang/agangkat ket patasda met a makatulong iti Gobierno Munisipal iti “Income Generation” nga agsublinto met la kadakuada iti babaen ti porma ti serbisio. # (Web In-Action)

FARMERS FIELD SCHOOL TI BRGY. DARDARAT, NABALLIGI

Cabugao, Ilocos Sur – Maipatpatungpal ita ti Season-Long Vegetables Farmers Field Schools on IPM Kasakalikasan Training  kadagiti mannalon nga agmulmula ti nateng iti Brgy. Dardarat, Cabugao, Ilocos Sur a naiproyekto iti Nobiembre 2013-March 2014 babaen iti panagkammayet ti DA-Regional Field Office (RFO)  1, San Fernando City, La Union ken ti LGU-Cabugao nga idauluan ni Mayor Edgardo S. Cobangbang, Jr.

Segun ken ni Mrs. Ester P. Aguimbag, AT, High Value Crops Development Program (HVCDP)  Coordinator ti LGU-Cabugao, maap-apiten ti naimulada a “Django” Hot Pepper iti 1,000 metro-kuadrado a Learning Field-da iti lote ni Mr. Sherwin Garcia iti nasao a barangay kabayatan ti 16 a lawas a pannakaiyimplimentar ti proyekto nga imatonan ti DA-LGU Cabugao.

Innayon ni Mrs. Aguimbag a kangrunaan a panggep ti proyekto ket iti pannakagun-od ti pannakaingato ti bilang ti maapit ken mangibaba ti gastos kasta met iti pannakaikkat ti mailaok a kemikal iti produksion babaen iti pannakausar ti VAM ( Vesicular Arbuscular Mycorrhizae) a soil inoculant ken iti Trichoderma (Fungicides) a pangpaksiat ti tumaud a sakit ti mula.

Insupusop ni Mrs. Aguimbag nga umabot ti 5 nga oras a panagtrabaho iti talon  babaen iti Participatory Technology Development Farm (Learning Field)  ti aramiden dagiti Farmer-Beneficiaries ken maangay ti Group Discussion kalpasanna.

Dagitoy nga inisiatiba ket resulta ti agtultuloy a programa ti Gobierno Munisipal iti benneg ti Agrikultura nga ibirokanda  ti pakalag-anan ken pagkakitaan dagiti mannalon babaen iti Baro a Teknolohia ti panagmula ti nateng nga itden ti Ahensia ti DA. #  (Web In-Action)

BALIKBAYAN, AGSANGSANGPETDAN

Cabugao, Ilocos Sur – Kalpasan ti Flag Raising Ceremony iti Enero 27, 2014, impalagip ni Mayor Edgardo S. Cobangbang, Jr. iti Pamilia-LGU iti pagrebbenganda a mangsango  iti agdama a panagsangpet dagiti Balikbayans nga aggapu iti nadumaduma a paset ti Lubong  nga umay agbisita ditoy ili ti Cabugao ken makipartisipar iti maangay a “Global Reunion 2014”  iti amin a Cabugaoenios nga agnanaed iti ballasiw-taaw ken iti Pilipinas a maangay iti bulan ti Pebrero 2014 ditoy ili ti Cabugao, Ilocos Sur.

Ingunamgunam ni Mayor Ediboy kadagiti agipatpatungpal iti nadumaduma a serbisio kadagiti Departamento ti LGU-Cabugao ken dagiti adda iti Tiendaan (NISTC Public Market) nga aramidenda ti pagrebbenganda  a mangpasangbay kadagiti Balikbayans tapno mananamda ti agbakasion iti nagtaudanda a lugar.

Kabayatanna, binigbig ni Mayor Ediboy ti gapuanan ti  Kapolisan ken ti Bureau of Fire Safety ti ili a Cabugao iti agtultuloy a panangaramidda ti pagrebbenganda a mangtengtengngel ti linak ken talna ti ili. 

Binigbig pay ti Alkalde Munisipal iti agtultuloy a napintas a partisipasion ti tunggal kameng ti Pamilia-LGU a mangipatungpal kadagiti pagrebbenganda ket insupusop ti Ama ti Ili a dagitoy nga ar-aramiden ti tunggal Empleado ket maibilang a parupa ti Munisipio iti kaaduan. # (Web In-Action)

“EDUCATION FOR ALL”, EARLY REGISTRATION DAY

Cabugao, Ilocos Sur – Naaramid ti Sangkapagilian nga Early Registration Day para iti School Year 2014-2015 idi Enero 25, 2014 para kadagiti agadal  nga ubbing ken agtutubo kadagiti Public Elementary ken Public Secondary Schools ti ili tapno masapsapa a maorganisar ken trataren ti Department of Education (DepED) iti masigurado a pannakayenrol ti amin nga ubbing ken agtutubo a kabaelanna ti agadal  a nangruna kadagiti lokalidad ti pagilian  a pakaibilangan metten  ti ili a Cabugao, Ilocos Sur.
Maibasar iti DepED Order No. 2, Series 2014, dagiti sumaganad nga agad-adal ti masakupan daytoy a Programa ti DepED:

1.Incoming Kindergarten ken Grade 1- amin nga agtawen ti 5 agingga iti 6  ket mayenrol para iti SY 2014-2015.

2.Para iti Out-of-School Children (OSC) ken Out-of School Youth (OSY) agraman iti Indigeneous Peoples (IPs); Street Children manipud agtawen ti 5 agingga iti 18; nataengan nga agtawen ti 18 agingga iti 30 babaen iti Alternative Delivery Mode (ADM) ken Alternative Learning System (ALS) kas panagsaganadda.

3.Mairaman pay dagiti OSC ken OSY nga adda disabilities—na nga agtawen ti 5 agingga iti 18 tapno maikkanda iti maibagay nga “Education Intervention” ken ma-census-da.

4.Para iti DepED ket makikammayyet iti LGUs, Barangay Officials, PTAs, Civic Organizations ken Business Sector tapno maaramid dagiti nasesita a maaramid a panagsagana para iti panaglukat ti klase inton Hunio 2014.

5.Pannakasuporta dagiti nadakamat nga “Education Intervention” para kadagiti nagenrol nga ubbing (Pupils) ken agtutubo (Students) tapno malappedan ti itataud ti “Drop Out” iti pagadalan.

Segun ken ni Public Schools District Supervisor Mrs. Helen V. Siruno ti Cabugao DepED District, naballigi a naisayangkat ti naggigiddan a panagalada ti enrolment ti ubbing iti 24 a pagadalan ti DepED District  iti Cabugao, Ilocos Sur idi Enero 25, 2014.

Innayonna a babaen daytoy a sistema ti Edukasion iti agdama ket saan laeng a matiped ti “Drop Out” dagiti agbasbasa ken mapunas ti Illiteracy Incidence no adda man. # (Web Situational Report)

CORN CLUSTER TI CABUGAO, NAPAPIGSA

Cabugao, Ilocos Sur – Naangay ti panangmiting ti DA-Provincial (OPAG)-Ilocos Sur kadagiti Opisiales ti Asosasion ti agmulmula ti mais (amarilio ken puraw) iti ili a Cabugao, Ilocos Sur idi Enero 21, 2014 iti Municipal Conference Building, Cabugao, Ilocos Sur.

Nagatendar dagiti Corn Planters nga idauluan ni Mr. Dominador Reynold S. Sabio tapno mareorganisar pay  ti Pederasion (Municipal-based) iti agmulmula ti mais iti ili ti Cabugao.

Adda met iti pannakabagi ti OPAG-Ilocos Sur a  ni Mr. Oscar Tobia, Provincial Corn Coordinator ken  ni Engr. Jojo Acance, mangay-aywan ti kasasaad dagiti naited a ramit ken makinaria manipud iti DA kadagiti Asosasion ti mannalon iti amin nga ili.

Nakipaset met dagiti pannakabagi ti DA-LGU Cabugao a da MA Zenaida S. Andrada; Miss Katrene P. Tapuro, Municipal Corn Coordinator;  Mr. Obas Bill Y. Baclig, AT; Mrs. Joenah G. Sevilleja, AT ken ni Mrs. Ester P. Aguimbag, AT.

Dagiti natratar ken napagnunumuan sakbay ti eleksion para iti Baro nga Opisiales ti Cabugao Corn Cluster:

1.Sinimpuon ni Mr. Tobia no apay nga adda programa ti Corn Cluster ti Provincial Government.  Kinunana a ti “Cluster” ket buklen ti 200 ektarias nga agdedenna a  pagmulaan ti mais iti kada ili. Innayonna a mabukel met ti Non-Cluster Associaton iti napagsisina a disso ti pagmaisan nangruna iti barangay  ket maorganisarda a makitipon iti Pederasion ti Corn Planters ti kada ili.

2.Imbinsa ni Mr. Tobia dagiti programa, proyekto, annuroten ken  benepisio iti mannalon a  makipaset kadaytoy a programa ti Gobierno Probinsial iti panangidaulo ni Gov. Ryan Luis V. Singson.

Kangrunaan a trinatar ti DA Official iti wagas ti panaglako iti produkto a mais babaen iti panangipasiguradona a tumulong ti Gobierno Probinsial babaen ti “Ryan Corn Program” ti Gobernador  kadaytoy a kangrunaan a pakaseknan dagiti mannalon iti produktoda a mais.

Dinakamat pay ni Mr. Tobia  iti panangyuna ti LGU Cabugao a nangipatungpalen/nakairingpasen   iti Soil Fertility Mapping Project  nga aramidento pay laeng ti dadduma nga ili ti Ilocos Sur. Insupusop ti DA Corn Coordinator a napateg daytoy a paset ti Corn Program ket insaritana a nagasat dagiti Corn Planters ditoy  LGU Cabugao nga idauluan ni Mayor Edgardo S. Cobangbang, Jr. ta nairusaten ti Soil Fertility Mapping Program  gapu iti naan-anay a suporta ti LGU kadagiti mannalon ken kadagiti programa ti DA.

Kabayatanna, napili ni Mr. Jimmy Seguban, agnaed iti Sitio Rebba, Brgy. Cacadiran, Cabugao, Ilocos Sur a baro a Presidente ti Cabugao Corn Cluster a mangsakup iti amin nga agmulmula ti mais iti 33 a barangay ti ili a Cabugao ken maikamengda  iti Ilocos Sur Federation of Corn Growers Association nga agdama a miembro ditoy ti Turod MPC   nga idauluan ni Brgy. Captain Inocencio S. Sadac ken ti Sagayaden Free Farmers MPCI. # (Web In-Action)

AGPROGRESO TI SITIO NAGCARITAAN

Cabugao, Ilocos Sur – Nagun-od dagiti agindeg iti Sitio Nagcaritaan, Barangay Turod Patac, Cabugao, Ilocos Sur iti tarigagayda a maaddaan ti nanam-ay a pagdalanan babaen iti pannakakongkreto ti kalsada a mangbeltak iti purokda. Daytoy a panagdur-as ti purok ket nailungalong babaen iti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken iti pannakikammayet ti Konseho ti Barangay nga idauluan ni Brgy. Captain Edgardo Celestino G. Sonido.

Napunduan daytoy a pannakasemento ti kalsada babaen iti Municipal Share ti RA 7171, segun ken ni Municipal Engineer Crescencio C. Formoso.

“Pagyamananmi unay kadaytoy a pagnam-ayanmi nga agnaed ditoy kada Apo Mayor ken da Apo Kapitan,” impeksa ni Mr. Eufrocino Baclig, panglakayen iti Purok.

Innayon ni Mr. Baclig a saan a paudi ti purokda ta malaksid a nalawlawda iti nadumaduma a mula a pagkakitaan ni mannalon, adda dita manen ti maar-aramid nga irigasion ti NIA a nagsasanga ti kanal a naaramid a mangpadanum kadagiti pagtatalonan iti aglawlawda apaman nga agoperar.

Insupusop ni Mr. Baclig a pakanam-ayanda pay ti dalan a panglinteganda a  kumamang iti Sitio Cabaruan, Brgy. Cuancabal ken mapaspasayaat pay dagiti dalan a mabalinda a rummuaran no magnada a mapan idiay Brgy. Arnap, Sitio Balungabing via Quezon-Alinaay Road ken iti Brgy. Bonifacio no mapanda idiay Poblasion.

Dagitoy a pagdur-asan ket resulta ti napintas a panagkakammayet ti Barangay, Munisipal ken ti Probinsial a Gobierno, segun pay ken ni Mr. Baclig. # (Web In-Action)

DAGITI BENEPISIO A MAGUN-OD DAGITI CORN FARMERS

Cabugao, Ilocos Sur – Iti pannakisarita ti Web In-Action ken ni Mr. Oscar Tobia, Provincial Corn Coordinator, OPAG-Ilocos Sur itay nabiit, bininsana dagiti benepisio a magun-od  dagiti agmulmula ti mais (yellow ken puraw) iti Probinsia ti Ilocos Sur kas iti sumaganad:

1.Mairehistro dagiti Corn Cluster tapno adda “juridical indentity-da”  a maki-transact kadagiti pagpatulonganda nga Ahensia ken Opisina.

2.Maikkat dagiti “middlemen” a makibingay iti matgedan dagiti corn farmers iti proseso ti panaglakuan.

3.Adda “legal identity”  ti tunggal ili gapu ta programa daytoy ti Gobierno Probinsial.

4.Adu ti ited ti Gobierno Probinsial nga interventions kadagiti corn cluster kas iti sumaganad:

A.Pannakaited ti water ken electric pump kadagiti miembro a cluster association.

B.Seed Assistance – maited no adda kalamidad.

C.Biological Control Agent kas iti “trichogramma”  a mangsilud ti itlog dagiti corn borers, kangrunaan a sakit ti mula a mais.

D.Soil Fertility Mapping Project – Naileppasen ti ili a Cabugao, segun iti DA Official.

E.Farm Mechanization – upgrading ti panagmula babaen iti panagusar ti Corn Planter a makina ken nagduduma a Post-harvest Facilities kas iti Palay Shed, Flatbed Dryer, ken MPDP.

F.Corn Livestock Training System/Corn Husk Utilization Training ken Farmers Field School (FFS) tapno mapakalidad ti produksion ti mais.

G.P12/Kilo Guaranteed price para iti Marketing a kayatna a sawen a no agbaba ti presio iti merkado ket  agtalinaed ti dose pesos kada kilo ket no ngumato met ti presio ket sumurot ti Gobierno iti pananggatangna ti produkto ti mannalon.

H.Seed Growers Quality Control – maaramid ti Demo-farm ti mais a pagpatanoran ti Registered/Foundation babaen iti nainget a panagsukisok ken agdalan iti panagsanay dagiti mapili a Seed Grower ti mais.

I.Capability Building – people empowerment kadagiti agmulmula iti benneg ti Barangay, Munisipalidad ken iti  Probinsial tapno saanda a maarus ken maabakan iti kalintegan iti merkado ken iti  produksion. # (Web In-Action)

MFARMC, TUMULTULONG NGA AGAYWAN ITI KABAYBAYAN

Cabugao, Ilocos Sur – Iti pannakisarita ti Web In-Action idi Enero 22, 2014, imbaga ni Mrs. Milagros R. Paz, Municipal Fisheries Coordinator ken Fish Examiner a naipakumit iti itutulong dagiti asosasion ti mangngalap kadagiti pito a barangay ti ili a Cabugao kas iti Brgy. Dardarat, Salomague, Sabang, Namruangan, Daclapan, Salapasap ken Pug-os a mangbukel ti Municipal Fisheries and Aquatic Resources Management Council (MFARMC)  iti pannakaaywan/pannakaprotektar  ti kabaybayan kas kangrunaan a pamataudan ti pagbiaganda nga agkalap ken dadduma pay a rekursos ti baybay  a makatulong iti panagbiag dagiti lumugar iti coastal barangay.

Innayon ni Mrs. Paz nga agtultuloy ti Coastal Clean-up ti tunggal barangay a saandan nga ipannuray iti panangirusat pay laeng ti BFAR, LGU ken ENRMO-Provincial ta naibaga ti pagrebbengan iti Opisiales ti Fishermen Association kasta met ti Committee Chairman ti Environment iti Konseho ti Barangay.

Malaksid iti panagdalus iti igid ti baybay, insupusop pay ni Mrs. Paz a makatulong dagiti agindeg a mangprotektar a manglapped iti illegal fishing ta isuda met la ti mabenepisiaran iti napintas a panagtan-ay dagiti lames ti baybay no awan ti pakadangranda ken iti agtultuloy a panagdakkel  dagiti naimula a Mangrove Seedlings kadagiti shorelines kadagiti nadakamat a barangay.

Kabayatanna, naaramid ti Opisina ti MFARMC iti ngato ti pasdek ti Munisipio tapno adda nadardaras a pangbirokan dagiti mangngalap kadagiti agrebbeng iti pakaseknanda no umayda ditoy Munisipio.

Dagitoy nga inisiatiba ket resulta ti napintas a koordinasion/kammayet  ti MFARMC, LGU-Cabugao nga idauluan ni Mayor Edgardo “Ediboy” S. Cobangbang, Jr., BFAR Region 1, ENRMC ti Kapitolio Probinsial kasta metten  dagiti Konseho ti Barangay iti pito a Coastal Barangay ti Munisipalidad. # (Web In-Action)

LEGISLATIVE AGENDA 2014, ARAMIDEN TI KONSEHO MUNISIPAL

Cabugao, Ilocos Sur – Iti pannakisarita ti Web In-Action idi Enero 21, 2014,  kinuna ni SB Secretary Maxfel S. Suboc a nakakalendario dagiti napapateg ita a Gakat para iti pagsayaatan ti umili ken iti Munisipalidad iti Tawen 2014.

Kangrunaan a tamingen ti Sangguniang Bayan iti pakaseknan ti Revenue Generation Program ti LGU Cabugao kadagiti benneg kas iti sumaganad:

1.Panagpandayda ti Tax Ordinance.

2.Pannakabukel ti Revenue Generation Plan ken Resolusion a mangadaptar itoy.

3.Revision of Assess Values of Real Properties - maaramid ti maysa nga Ordinansa a mangipatungpal itoy.

4.Enactment of the Local Investments and Incentives Code.

5.Revision of the Municipality’s Water Consumers’ Code.

6.Revision of the NISTC Code.

Maisaganad ti Land Use and Utilization Program babaen iti Revised Comprehensive Land Use Plan ken Enactment of Zoning  Ordinance.

Mairaman pay iti Public Transport and Support Programs  babaen iti pannaka-Revised ti Cabugao Tricycle Code.

Dagitoy nga aksion ket ipatungpal ti Sangguniang Bayan nga idauluan ni Vice Mayor Deogracias Jose H. Savellano ken iti panangaprobar ni Mayor Edgardo S. Cobangbang, Jr. iti pannakaaprobar dagitoy a Gakat. # (Web In-Action)

EPEKTIBO TI BATOGNA-DALUSANNA

Cabugao, Ilocos Sur – Kas pangkomplementar iti programa ti LGU-Cabugao maipapan iti Clean and Green, nangipakat ti pannakapapigsa ti estratehia ti panagdalus iti Konseho ti Barangay Quezon, Cabugao, Ilocos Sur nga idauluan ni Brgy. Captain Nida S. Braceros maipapan iti naan-anay a partisipasion dagiti bumalay ti tunggal purok a makinaming  iti krusada a “Batogna Dalusanna” ken “Tali Ko, Aso Ko”, maysa pay a paglintegan nga impaulog ti Gobierno Munisipal a maipakpakat  nangruna ditoy Poblasion a mangpasimbeng iti pakaseknan ti bulos a taraken.

Segun ken ni Kagawad Engelberto Gazmen, Committee Chair on Infrastructures ti Sangguniang Barangay ti Barangay Quezon ket dagiti nadakamat nga inisiatiba ti ar-aramiden ita ti Konseho ti Barangay malaksid iti ragup a panagobra ti Barangay kangrunaan iti panagdaldalus, pannakasipat dagiti nagagmuy a sanga ti kawayan iti kalsada iti  sumrekan ti ili, pannakatarimaan ti sumagmamano a drainages ken kanal ti barangay roads.

Kasta met a pinagyamananda iti Gobierno Lokal iti pannakaipatakder dagiti LED Light iti Processional Road a masakupan ti barangay ket maisagutanda iti mainayon a lawag ti pagdaliasatan iti kalsada apaman nga agoperar dagitoy a poste ti pagsilawan.

Dagitoy nga aksion ken inisiatiba ket resulta ti napintas a koordinasion/tinnulong  ti lumugar iti Konseho ti Barangay agraman iti Gobierno Munisipal ken dagiti maseknan nga Ahensia ti Gobierno a mangipapaay ti serbisio kadagiti agindeg. # (Web In-Action)

DA-PROVINCIAL, NAGATENDAR ITI MITING TI BACALL MPA

Cabugao, Ilocos Sur – Inatendaran ni Engr. Jojo Acance, pannakabagi ti Office of the Provincial Agriculture Office (OPAG)-Ilocos Sur iti naangay a miting dagiti Opisiales ken kameng ti Baclig-Callaguip-Sitio Lusong Suyo Multipurpose Association (BACALL MPA) nga idauluan ni Mr. Dominador Reynold S. Sabio, Presidente, idi Enero 21, 2014 iti Palay Shed ti FA iti Sitio Lusong Suyo, Brgy. Baclig, Cabugao, Ilocos Sur.

Nagatendar pay dagiti pannakabagi ti DA-LGU Cabugao a da Municipal Agriculturist Zenaida S. Andrada, Mrs. Ester P. Aguimbga,AT,  HVCDP Municipal Coordinator, ken ni Mr. Nathaniel B. Galamgam, AT, Municipal Farmers Association Coordinator iti nasao a miting.

Dagiti natratar ken napagnanamingan kalpasan ti miting:
1.Pannakailawlawag ti simrek ken naggastuan ti FA iti Tawen 2013 nangruna iti Flatbed Dryer nga agop-operar agingga iti agdama.

2.Kangrunaan a nagpartisipar dagiti kameng ti BACALL MPA iti “School on the Air” a programa iti Agrikultura ti Gobierno Nasional nga imatonan ti Ahensia ti DA a nangkulminar ti “Year of the Rice” iti Tawen 2013.

3.Update ti kasasaad dagiti nagun-od ti Asosasion a ramit  iti Farm Mechanization Program ti DA.

4.Update ti Financial Statement ti Asosasion.

5.Pannakarisut dagiti timmaud nga isyu ken pakaseknan dagiti kameng iti panagoperar ti Asosasion.

Naballigi ti resulta ti amin a napagsasaritaan iti las-ud ti Asosasion a mangpatibker pay ti agdama a kasasaadna, segun ken ni Mrs. Ester P. Aguimbag, AT. # (Web In-Action)

SCHOLARSHIP PROGRAM TI LGU, MAISAGUT DAGITI NAPANGLAW

Cabugao, Ilocos Sur – Nagbalin a  linteg ti Gakat ti Ordinansa No. 2013-10 a napauluan: “An Ordinance  Establishing the Cabugao Education Scholarship Program…” a Gakat   ni SB Member Danilo Q. Gazmen ken indarirag  ti Joint Committee on Education and Appropriation  ken  inaprobaran ni Mayor Edgardo S. Cobangbang, Jr. idi Oktubre 14, 2013 kalpasan a naglasat ti Gakat iti  3rd ken Final Reading iti Konseho Munisipal.

Daytoy a linteg ket kangrunaan a maisagut dagiti agtutubo nga adda iti kaamaan ti napanglaw a pamilia ngem kabaelanda ti agadal ken makaileppas ti kurso iti High School ken Kolehio a makatulong iti panagbiagda.

Buklen ti Cabugao Educational Scholarship Program Board ti 9 a katao nga idauluan ti Municipal Mayor a mangpili kadagiti kualipikado a Grantees.

Iti pannakiuman ti Web In-Action idi Enero 21, 2014 ken ni SB Member Maxfel S. Suboc,  kinunana nga iti dagup ti 30 nga Ordinansa a napagbalin a linteg ti Konseho Munisipal iti Tawen 2013, ti nasao nga  Scholarship Program ti makuna a  dakkel ti kaipapananna maigapu iti panagkasapulan dagiti tumantan-ay a henerasion ti  agtutubo a maisagutan ti adal iti ili ti Cabugao. # (Web In-Action) 

CORN CLUSTER TI CABUGAO, NAPAPIGSA

Cabugao, Ilocos Sur – Naangay ti panangmiting ti DA-Provincial (OPAG)-Ilocos Sur kadagiti Opisiales ti Asosasion ti agmulmula ti mais (amarilio ken puraw) iti ili a Cabugao, Ilocos Sur idi Enero 21, 2014 iti Municipal Conference Building, Cabugao, Ilocos Sur.

Nagatendar dagiti Corn Planters nga idauluan ni Mr. Dominador Reynold S. Sabio tapno mareorganisar pay  ti Pederasion (Municipal-based) iti agmulmula ti mais iti ili ti Cabugao.

Adda met iti pannakabagi ti OPAG-Ilocos Sur a  ni Mr. Oscar Tobia, Provincial Corn Coordinator ken  ni Engr. Jojo Acance, mangay-aywan ti kasasaad dagiti naited a ramit ken makinaria manipud iti DA kadagiti Asosasion ti mannalon iti amin nga ili.

Nakipaset met dagiti pannakabagi ti DA-LGU Cabugao a da MA Zenaida S. Andrada; Miss Katrene P. Tapuro, Municipal Corn Coordinator;  Mr. Obas Bill Y. Baclig, AT; Mrs. Joenah G. Sevilleja, AT ken ni Mrs. Ester P. Aguimbag, AT.

Dagiti natratar ken napagnunumuan sakbay ti eleksion para iti Baro nga Opisiales ti Cabugao Corn Cluster:

1.Sinimpuon ni Mr. Tobia no apay nga adda programa ti Corn Cluster ti Provincial Government.  Kinunana a ti “Cluster” ket buklen ti 200 ektarias nga agdedenna a  pagmulaan ti mais iti kada ili. Innayonna a mabukel met ti Non-Cluster Associaton iti napagsisina a disso ti pagmaisan nangruna iti barangay  ket maorganisarda a makitipon iti Pederasion ti Corn Planters ti kada ili.

2.Imbinsa ni Mr. Tobia dagiti programa, proyekto, annuroten ken  benepisio iti mannalon a  makipaset kadaytoy a programa ti Gobierno Probinsial iti panangidaulo ni Gov. Ryan Luis V. Singson.

Kangrunaan a trinatar ti DA Official iti wagas ti panaglako iti produkto a mais babaen iti panangipasiguradona a tumulong ti Gobierno Probinsial babaen ti “Ryan Corn Program” ti Gobernador  kadaytoy a kangrunaan a pakaseknan dagiti mannalon iti produktoda a mais.

Dinakamat pay ni Mr. Tobia  iti panangyuna ti LGU Cabugao a nangipatungpalen/nakairingpasen   iti Soil Fertility Mapping Project  nga aramidento pay laeng ti dadduma nga ili ti Ilocos Sur. Insupusop ti DA Corn Coordinator a napateg daytoy a paset ti Corn Program ket insaritana a nagasat dagiti Corn Planters ditoy  LGU Cabugao nga idauluan ni Mayor Edgardo S. Cobangbang, Jr. ta nairusaten ti Soil Fertility Mapping Program  gapu iti naan-anay a suporta ti LGU kadagiti mannalon ken kadagiti programa ti DA.

Kabayatanna, napili ni Mr. Jimmy Seguban, agnaed iti Sitio Rebba, Brgy. Cacadiran, Cabugao, Ilocos Sur a baro a Presidente ti Cabugao Corn Cluster a mangsakup iti amin nga agmulmula ti mais iti 33 a barangay ti ili a Cabugao ken maikamengda  iti Ilocos Sur Federation of Corn Growers Association nga agdama a miembro ditoy ti Turod MPC   nga idauluan ni Brgy. Captain Inocencio S. Sadac ken ti Sagayaden Free Farmers MPCI. # (Web In-Action)

PANAGSAKADA TI BUSINESS PERMIT, NAGLEPPAS

Cabugao, Ilocos Sur – Nagleppas  idi  Enero 20, 2014,  iti panagsakada ti Business Permit  dagiti nadumaduma nga agtagikua ti  establisimiento ti negosio ditoy  a Munisipalidad.

Naaramid ti “Business One Stop Shop”   daytoy a panagala ti Business Permit ita a Tawen 2014 ditoy LGU Cabugao tapno maipadaras ti panagsakada dagiti umili  a maseknan iti lisensiada nga agnegosio ditoy nga ili.

Maibatay iti pakaammo iti Munisipio, naballigi ti naaramid a panagala ti Business Permit a kasapulan dagiti maseknan sakbay nga agoperarda  manen kadagiti negosioda iti makatawen. # (Web In-Action)

PANGLINTEGAN A DALAN, ADU TI MAIRANUD

Cabugao, Ilocos Sur -  Iti pannakisarita ti Web In-Action ken ni Brgy. Captain Rolando S. Savellano ti Brgy. Cuancabal, Cabugao, Ilocos Sur iti Enero 20, 2014, impakaammona nga adu ti mabenepisiaran iti naaramid a dalan a panglintegan manipud iti Provincial Road a mabatogan ti Sitio Cabaruan, Brgy. Cuancabal a sumilpo kadagiti Feeder Roads  a mapan iti Sitio Nagcaritaan, Balungabing ken Brgy. Turod Patac.

Daytoy a pannakaaramid ti dalan ket inlungalong ti Gobierno Probinsial babaen  ken ni Vice Governor Deogracias Victor B. Savellano, dagiti Kapitanes ti agsumbangir a barangay: Barangay Turod Patac ken Brgy. Cuancabal a da  Brgy. Captain Edgardo Celestino G. Sonido ken ni Pasado Kapitan Rogelio S. Siruno ti Brgy. Cuancabal ken iti Gobierno Munisipal nga idauluan ni Mayor Edgardo “Ediboy” S. Cobangbang, Jr.

Innayon ni Kapitan Savellano nga agyamyaman dagiti makausar ta   manam-ayanda nga agdaliasat nga agallatiw kadagiti nadakamat a Sitios ken Barangay ta addan panglinteganda imbes a manglikawda iti Brgy. Turod Patac iti laud ken iti Brgy. Arnap iti daya.

Dagitoy nga inisiatiba ket gubuay ti napintas a panagkammayyet ti Gobierno Probinsial, Munisipal ken ti Barangay iti pannakaited iti napintas a pagnaan dagiti agindeg a mangpadaras iti aktibidad a makatulong  iti ekonomia kadagitoy a deppaar. # (Web In-Action)

MASAGANAAN TI PANAGBALIW TI KLIMA

Cabugao, Ilocos Sur – Iti pannakiuman ti Web In-Action ken   ni Dr. Bernardino M. De Gracia, OIC Municipal Health Officer iti Enero 20, 2014, kinunana nga awan ti nakaro a sakit a parnuayen ti panagbaliwbaliw ti klima ta malaksid a nagaget a sumarungkar dagiti umili iti Rural Health Unit (RHU)-Cabugao, dakkel met ti maitulong ti naynay a pannakapalagip ken pannakaadal dagiti agindeg iti barangay iti panangmantener ti napintas a salun-at babaen kadagiti nagkakammayet a sanga ti Gobierno kas iti DOH-MHO, -DSWD-MSWDO, ken dagiti asosasion nga adda iti salinong ti Barangay a mangiprompromot ti programa ti salun-at.

Kabayatanna, iti agtultuloy a papan dagiti umili iti RHU ket madagdagus ti pannakaasikasoda ken madadaan a maited dagiti agas a kasapulanda gapu iti agtultuloy a panangsuporta ti Gobierno Munisipal  nga idauluan ni Mayor Edgardo “Ediboy” S.

Cobangbang, Jr. iti agtultuloy a  pannakasalaknib ti salun-at dagiti umili. # (Web In-Action) 

RICE BASED FARMING SYSTEM, MAPAGTULADAN

Cabugao, Ilocos Sur – Naaramid ti 5 Hectare Rice Based Farming System in Lowland Rainfed Areas iti Brgy. Pug-os, Cabugao, Ilocos Sur babaen iti panangipatungpal ti DA-LGU Cabugao.

Segun ken ni Mr. Obas Bill Y. Baclig, AT, Assigned Tehnician, nangrugi daytoy a proyekto dagiti mannalon iti Tawen 2012 agingga ita a  Tawen 2014. Immuna a naaramid ti Rice Fallow Project ket namulaan ti pagay idi Tawen 2012; simmaruno a namulaan ti pagay, mais; ket ita namulaan manen iti  pagay, mais, ken tabako a birhinia.

Innayon ni Mr. Baclig a maap-apiten iti agdama ti naimulada  a White Corn (Tender 58) idi Oktubre-Nobiembre ket malako ti P3 ti kada bunga ti nasao a mais.

Buklen ti 9 a kameng ti Farmer-Cooperators a kameng ti Pug-os Farmers Association nga idauluan ni Mr. Elmer Bromeo, Presidente, dagiti nagmula kadagitoy a klase ti produkto.

Ti 5 nga ektaria a mamulmulaan ket saan nga agpapada ti maimulmula maigapu iti kasasaadna a rainfed area ket agdepende ti wagas iti pannakamulana iti kinabuslon ti suplay ti padanum.

Innayon ni Mr. Bromeo a kalpasan ti pannakaapit dagiti mulada a puraw a mais ket nagpa-tractorda manen ket ikamakamda a mulaan ti tabako ken nateng. Babaen iti kastoy a wagas ket maprobitsarda dagiti disso ti rainfed a pagtatalonanda a saan ketdi nga agkalaegan iti maysa a cropping season.  # (Web In-Action)

PINANSIAL TI KANGRUNAAN A NAGMITINGAN TI RIC

Cabugao, Ilocos Sur – Nagmiting dagiti Presidente ti Rural Improvement Club (RIC) kadagiti barangay ti Munisipalidad ti Cabugao idi Enero 16, 2014 iti mismo a pasdek ti Munisipio.
Dagiti natratar ken napagnunumuanda kalpasan ti miting:

1.Update ti pannakaisubmiter dagiti kasapulan a papeles kanaig iti pinansial a kasasaad ti Asosasion para  iti BIR.

2.Ma-audit dagiti Financial Assistance nga inted ti LGU-Cabugao kadagiti Asosasion.

3.Ma-update ti listaan dagiti Opisiales ken Masterlist ti kamkameng iti tunggal asosasion iti mabiit.

Segun ken ni Miss Katrene P. Tapuro, Municipal RIC Coordinator nga adda 33 a bilang ti RIC Associations (Accredited iti LGU-Cabugao) iti agdama.

Nataming pay dagiti dadduma a pakaseknan dagiti Opisiales ken Miembros ket naballigi ti resulta ti napagnunumuan a nagbanaganda.

Iti agdama, idauluan ni Mrs. Grenalyn P. Amoroso, Presidente,  ti Pederasion ti RIC iti Cabugao, Ilocos Sur. # (Web In-Action)

SUPPLEMENTAL FEEDING, AGTULTULOY PARA ITI DAY CARE

Cabugao, Ilocos Sur – Agtultuloy ti Supplemental Feeding Program kadagiti Day Care Centers kadagiti Barangay ti Munisipalidad babaen iti panangtarawidwid dagiti Day Care` Workers  nga agisursuro kadagiti Day Care Pupils  ken tartarabayen ti Municipal Social Welfare and Development Office-Cabugao iti panangidaulo ni Mrs. Lydia S.
Gazmen, Municipal Social Welfare Development Officer.

Segun ken ni Mrs. Gazmen, naisangpet  iti agdama ti umabot iti 29  a sako ti bagas a mausar nga abasto ti makabulan iti panagpakan kadagiti ubbing iti kaaldawan ti panagklaseda (lima nga aldaw ti makalawas). Tunggal Day Care Worker ket mapan iti Munisipio nga agreport iti MSWDO  ket maited ti maitutop  a kasapulan dagiti ubbing nga isurona.

Dagitoy nga inisiatiba ket resulta ti napintas a koordinasion  ti LGU-Cabugao ken ti DSWD Region 1  babaen iti agtultuloy a  suporta ti Gobierno Munisipal  nga idauluan ni Mayor Edgardo “Ediboy” S. Cobangbang, Jr. tapno mamantener ti salun-at ken panagtan-ay  dagiti ubbing iti Munisipalidad. # (Web In-Action)

OPERATION TIMBANG, AGTULTULOY A MAIWAYAT ITI BRGYS.

Cabugao, Ilocos Sur – Agtultuloy a maaramid ti “Operation Timbang” babaen kadagiti Barangay Nutrition Scholars (BNS)  ken dagiti Barangay Health Workers (BHW) iti 33 a barangay ti ili a Cabugao, Ilocos Sur ita a Tawen 2014, segun ken ni Mrs. Joenah G. Sevilleja, AT, Municipal Nutrition Action Officer.

Dagiti maserbisyuan nga ubbing ket manipud iti agtawen ti 1-5/11 Months tapno madeterminar no maibagay met  laeng iti agdama a pagbasaran ken pagrukodan ti  kasasaad ti ubing iti tawenna. 

Innayon ni Mrs. Sevilleja nga agkuykuyog ti BNS ken ti BHW a mangsarungkar iti pagindegan dagiti ubbing a timbangenda. Kasta met a maar-aramid pay iti Update ti Family Profile (Census) ti pamilia ti ubing tapno mairugi a makita iti nagdur-asan ti panagdakkelna.

Dagitoy nga aksion ken inisiatiba ket paset iti naregget a pannakaipatungpal ti programa ti Nutrision babaen iti agtultuloy a suporta ti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web Situational Report)

BELANDRES, NAAPOINTARAN ITI WATERWORKS OFFICE

Cabugao, Ilocos Sur – Pinasingkedan  ni Mayor Edgardo S. Cobangbang, Jr.  ti pannakaapointar ni Mr. Elvine D. Belandres iti Brgy. Baclig, Ilocos Sur  kas Permanente iti Posisionna nga Administrative Aide III (Pipefitter 1) iti Waterworks Operations Office, LGU-Cabugao, Ilocos Sur iti mismo nga Opisina ni Mayor Ediboy iti imatang dagiti kabagian ni Elvine iti Enero 16, 2014 .

Naapointaran ni Elvine  iti daytoy a puesto idi Nobiembre 29, 2013 ket nagepekto ti pannakaapointarna iti trabahona idi Disiembre 2, 2013 iti LGU-Cabugao, Ilocos Sur. 

Ni Elvine ket anak da Mr. Oscar S. Belandres ken ni Mrs. Elena C. De la Cruz-Belandres  ti Cabugao, Ilocos  Sur . # (Web In-Action)

MTAP-DEPEd MATH CHALLENGE, NAANGAY DITOY CABUGAO

Cabugao, Ilocos Sur – Naangay ti 2014 Metrobank - Math Teachers Associaton of the Philippines (MTAP)-DEPEd Math Challenge babaen iti Tema: “Moving Forwarad Through Excellence in Mathematics” nga inesponsoran ti Metrobank iti intero a Pilipinas iti aldaw ti Huebes, Enero 16, 2014.

Napili ti tallo a contestants/ubbing iti kada eskuela iti 24 a pagadalan ti Cabugao DepEd District iti panangidaulo ni Public Schools District Supervisor Mrs. Helen V. Siruno. Naangay ti eksaminasion dagiti Math Contestants kadagiti pasdek-pagadalan ti Cabugao South Central School, Brgy. Bonifacio, Cabugao, Ilocos Sur. 

Sakbayna,  nangay ti  Briefing dagiti Contestants ket  inlawlawag ni Mrs. Nora Quibilan, District Math Coordinator dagiti annuroten iti pannakipaset dagiti Contestants  iti nasao nga eksaminasion ken iti panangtarabay dagiti Teacher-Examiners.

Malaksid iti District Math Festival a nagpartisiparan dagiti Math Contestants itay nabiit, maaramid met daytoy a pakontes  nga inesponsoran ti Metrobank ken DepEd tapno manayonan ti gapuanan a panangpasirib pay kadagiti ubbing a nalaing iti Mathematics para iti napintas a masakbayanda ken makatulongda  iti kagimongan.

Kalpasan daytoy a pakontes, mapili manen ti tallo a kalalaingan nga ubbing  para iti nangatngato a benneg ti pagsasalipan kadaytoy nga asignatura ti Elementaria. # (Web In-Action)

MAIRUAR A SEEDLINGS, MASUKSUKATAN

Cabugao, Ilocos Sur – Kalpasan ti panagkiddaw dagiti Barangay Nurseries iti kada barangay iti mainayon nga imulada iti umay a panagtutudo/panagmumula, imbatad ni Municipal Plant and Nursery Coordinator Robert S. Savella itay nabiit  nga agtultuloy nga  agpatuboda  iti  sukat dagiti pimmanaw a seedlings.

Mainayon nga agal-ala ti seedlings dagiti agkakasar maigapu iti kasapulan a “Love Tree” nga alaen dagiti agassawa sakbay a makapagkallaysada nga ituding ti maysa nga Ordinansa ti ili.

Innayon ni Mr. Savella nga ikagkagumaananda ti nagurnong iti bukel ti Gmelina ken Mahogany tapno mapatuboda iti uneg ti Nursery ket apagisunto nga agtan-ayda inton maibus  manen ti nagyan ti Municipal Nursery.

Insupusop ni Mr. Savella a malaksid iti nagduduma a Fruit Seedlings a naka-stand by iti uneg ti Nursery, kalikagumanda a manteneren ti kaadda ti bilang ti 5,000 a masagsaganan  a Tree Seedlings para iti Tree Planting ken Reforestation Project ti Munisipio ken iti barangay.

Dagitoy nga inisiatiba ket gubuay ti direktiba ti LGU Chief Executive ti ili ti Cabugao a pannakasustener ti kaadda ti nagduduma a seedlings iti Municipal Plant and  Nursery tapno adda masagsagana a mainayon a maimula kadagiti mabalin pay a  pagmulaan a disso ken pagsugot kadagiti nagmulaanen iti kallabes a panagtutudo. 

Segun pay ken ni MENRO Edgar S. Balangatan, AT, kasapulan koma  nga adda 10,000 a bilang ti madadaan a Seedlings a mapatanor iti Municipal Nursery tapno adda pangsupusop iti pagkasapulan dagiti dadduma nga Ahensia wenno indibidual nga agkidkiddaw ti seedlings iti unos  ti makatawen. # (Web Situational Report)

NAAKTIBO DAGITI ASOSASION TI MANNALON TI CABUGAO

Cabugao, Ilocos Sur – Maibatay iti rekord ni Mr. Nathaniel B. Galamgam, AT, Farmer Coordinator ti DA-LGU Cabugao, adda 38 a bilang iti agdama ti asosasion dagiti mannalon iti Munisipalidad ti Cabugao a manamnama a makasaklaw iti 4,300  a  bilang dagiti mannalon iti 33 a barangay ti ili.

Innayon ni Mr. Galamgam a patinayon a makipaspaset isuna kadagiti angayenda a miting ti tunggal asosasion kadagiti barangay ken no  dadduma ket ditoy Munisipio. 33 ti bilang ti Barangay-based Associations a rehistrado iti Department of Labor and Employment (DOLE)-Vigan City ken lima  ti Municipal-based Associations a rehistrado iti Securities and Exchange Commission (SEC)-Manila.

Insupusop pay ni Mr. Galamgam a mainayon a pagrebbenganna iti mangtarabay, mangasistir ken mangipalagip kadagiti annuroten dagiti kameng ti Farmers Association  a maibasar iti By-Laws ken dadduma a pagrebbenganda a kas Accredited Associations iti LGU-Cabugao.

Ti 38 a bilang ti asosasion ket aktiboda amin iti agdama, segun pay ken ni Mr. Galamgam. #

SIGLAT EVALUATION TEAM, IMMAYDA DITOY CABUGAO

Cabugao, Ilocos Sur – Nag-courtesy dagiti kameng ti Siglat Evaluation Team iti SIGLAT Search 2013 manipud iti Gobierno Probinsial ti Ilocos Sur ken ni Mayor Edgardo “Ediboy” S. Cobangbang, Jr. idi Enero 14, 2014 iti mismo nga Opisina ti Chief Executive daytoy nga ili.

Daytoy a petsa, Enero 14, 2014 ti naituding a panangaramidda ti On-site Validation kadagiti nadumaduma nga Entries/Finalists iti ili ti Cabugao a pakabuklan dagiti sumaganad a barangay:

Brgy. Pug-os – 11 Entries
Brgy. Bonifacio – 10 Entries
Brgy. Dardarat – 5 Entries
Brgy Lipit – 1 Entry
Brgy. Carusipan – 1 Entry
Brgy. Cacadiran – 1 Entry
Brgy. Aragan- 1 Entry
Brgy. Turod Patac – 1 Entry
Brgy. Salomague – 1 Entry
Brgy. Nagsantaan - 1 Entry
Brgy. Sagayaden 1- Entry
Brgy. Bungro - 1 Entry
Brgy. Namruangan - 1 Entry

Agpatingga ti On-site Validation iti Enero 15, 2014 babaen iti panangsukimatda/panangamirisda  kadagiti requirements ken nasesita a dokumento a mainaig kadagiti maisalip a Tao wenno Barangay iti Munisipalidad ti  Cabugao. # (Web In-Action)

CORN CLUSTER, MAPATIBKER DITOY CABUGAO

Cabugao, Ilocos Sur – Iti pannakisarita ti Web In-Action idi Enero 14, 2014, kinuna ni Mr. Oscar Tobia, Provincial Corn Coordinator ti OPAG-DA Ilocos Sur, a maysa ti maimula a mais (puraw ken amarilio) ti ipampamaysada a paimula kadagiti mannalon nangruna kadagiti disso/bangkag  a mayataday a pagmulaan kadaytoy ditoy probinsia ti Ilocos Sur.

Innayon ti DA Official  a monmonitorenda met dagiti naipamula a subsidized corn seeds kadagiti Munisipalidad a pakaibilangan ti Cabugao  no ania itan ti nagdurdur-asan dagitoy a proyekto ti DA-Provincial Office ken ti DA-RFO 1, San Fernando City, La Union.

Ditoy Cabugao, kinasarita ni Mr. Tobia ni Municipal Agriculturist Zenaida S. Andrada kasta met ken ni Miss Katrene  Tapuro, AT, Municipal Corn Coordinator tapno mapatibker ti hanay dagiti Corn Cluster Area kadagiti barangay ket napagkaykaysaan a maangay ti miting dagiti agmulmula ti mais inton Enero 21, 2014 ditoy Munisipio ta ma-update pay ti kasasaad dagiti Corn Farmers.

Insupusop pay ni Mr. Tobia a malaksid iti panangidur-asda iti panagmula ti mais ket tultulongan pay ti Gobierno Probinsial iti napintas a pannakailako ti produksion dagiti mannalon a mangnayon ken mangingato ti masapulanda.

Iti agdama, adda met  200 nga ektarias  a bilang ti namulaan iti mais ditoy Cabugao ket napintas ti panagtan-ayda ta adda pay mausar a pagsibog ken pabor ti tiempo iti naimula. Maibatay iti monitor ti dagiti pannakabagi  ti  DA-LGU Cabugao, adda payen sumagmamano a naapit (naisapa)  iti yellow corn ken kaaduanna iti puraw a mais ti nailako. # (Web In-Action)