Cabugao, Ilocos Sur – Naaramid ti umuna a panagmiting dagiti Barangay Nutrition Scholar (BNS) iti 33 a barangay ti Munisipalidad ti Cabugao idi Enero 7, 2014 iti Municipal Hall, Cabugao, Ilocos Sur.
Nagatendar pay dagiti kabarbaro a kameng ti BNS-na a barangay kas iti Reppa-ac, Carusipan, Pug-os, Turod Patac, Salapasap, Bonifacio, Quezon, Turod ken Arnap itoy Tawen 2014.
Daytoy a panagmitingda ket naitarapnos a nataming dagiti backlogda iti napan a Tawen 2013 ken naasikaso dagiti sumaganad:
1.Panag-Membership dagiti baro a kameng ken dadduma a BNS ket agbayadda ti P50 a kolektaen ti BNS Treasurer sa maipan iti National Nutrition Council tapno mairehistroda ken maaddaanda iti kabukbukodan nga Identification Card (ID).
2.Pannakabukel ti Brgy. Nutrition Action Plan kadagiti barangay-da.
3.Pannakataming iti pangalaanda ti Office Supplies-da ken dadduma pay a pagkasapulan kas iti pagpa-xerox ti papeles.
4.Maigunamgunam iti pannakaitugot dagiti report, notebook ken diary ti tunggal BNS no agmitingda ditoy Munisipio tapno adda pagibasaranda iti aramidenda.
Kangrunaan a nagintekan ti nagmalem a Meeting ket iti pannaka-training dagiti BNS nangruna iti panangpasayaat ti rekord ken panangiringpas kadagiti mapapirmaan a pormas para iti Nutrition Program.
Nagsarita met ni MSWD Officer Mrs. Lydia S. Gazmen iti pakaseknan ti Nutrision ken dadduma pay a kanaigna kadagiti BNS.
Nagpaay a Facilitator ni Mrs. Joenah G. Sevilleja, AT, Municipal Nutrition Action Officer a kaduana ni Miss Melanie Saquiton, JO a katulonganna iti opisina ti Nutrition. # (Web In-Action)
No comments:
Post a Comment