Cabugao, Ilocos Sur - Maibatay iti palawag ni Market Supervisor Norma S. Bertumen, Market Supervisor a pinareggetanna ti agtultuloy a pannakalinis a nasayaat ti las-ud ti Tiendaan maigapu iti napalabas a napaut a Holiday. Innayonna a binulodda ti Trak ti Basura a nangbunag pay kadagiti dadduma pay a wara nangruna kadagiti selopin (non-biodegradable materials) ket insayangkat dagiti Personnel ti NISTC Public Market a timmulong a nangikkat kadagiti rugit ti Tiendaan itay nabiit.
Kabayatanna, maigidgiddan met ti inspeksion ket napasamak ti panagpasiar ken panagpalagip ni Sanitary Inspector Jeannette Garcia ti LGU-Cabugao idi Enero 3, 2014 kadagiti Food Handlers nga aglaklako iti ikub ti Tiendaan kadagiti naibaga kadakuada a sakadaenda a papeles sakbayna a kasapulan iti pannakaipabaro ti lisensiada ita a Tawen 2014.
Malaksid iti uneg ti Tiendaan, agtultuloy met ti koordinasion ti Opisina ti MENRO-LGU Cabugao ken ni Mrs. Bertumen iti agtultuloy met a pannakadalus ti agsumbangir ti Kalsada Nasional agraman kadagiti drainages iti mabatogan ti Tiendaan tapno agtultuloy a nasigo ti sanitasion ken nasalun-at nga aglawlaw ti NISTC Public Market. # (Web Situational Report)
No comments:
Post a Comment