Cabugao, Ilocos Sur – Nairusat met ti pannakadalus ti asideg ken mabatogan a parte ti NISTC Public Market kas iti sirok ti Osmena Bridge, drainages iti batog ti Tiendaan agingga iti Bagsakan ti nateng iti amianan ti Kalsada Nasional babaen iti panangigannuat ti Clean and Green Program ti Munisipio nga imatmatonan ni MENRO Edgar S. Balangatan, AT tapno naan-anay ti nadalus a buya ti aglawlaw kadagiti pasilidad ti LGU Cabugao nga adda kadagitoy a disso.
Kabayatanna, nakikoordinar pay ti pannakabagi ti MENRO iti Committee Chair on Enviroment iti Sangguniang Barangay ti Barangay Baclig a makasakup kadaytoy a pagrebbengan tapno tumulongda a mangdalus iti wara iti sirok ti rangtay ken agraman iti igid ti Karayan Cabugao gapu iti napaut a Holiday Season.
Mangnamnama ni MENRO Balangatan a babaen iti nangatngato nga agpang ti koordinasion kadagiti barangay a makasakup iti malinisan a disso ket nadardarasda nga ipatungpal ti agtultuloy a panagdaldalus a pakaisagutan met ti sapasap iti napintas a buya ken sanitasion. # (Web In-Action)
No comments:
Post a Comment