Cabugao, Ilocos Sur –Agtultuloy a maiwaras dagiti seedlings ti niog nga impaay ti Philippine Coconut Authority (PCA), sanga ti Departamento Ti Agrikultura (DA) babaen iti LGU-Cabugao.
Iti agdama, addan walo a barangay a nawarasan kas iti Brgy. Turod Patac, Cuancabal, Lipit, Cuantacla, Pila, Turod, Marga-ay ken Pug-os a nakaitedanen ti pinuon a 2,255 iti agdama a pakayur-urayan iti pannakaimulada.
Inimatangan dagiti pannakabagi ti Municipal Plant and Nursery agraman dagiti LGU Personnel a nagdiskarga/agikarga iti mawarasan a barangay ken agidalimanek kadagitoy a patubo a niog babaen iti pannakausar ti lugan ti LGU Cabugao.
Kabayatanna, impakaammo ni MENRO Edgar S. Balangatan, AT a monitorenda iti maipapan iti proyekto a pakaseknan iti panagmula ken panangtaripato kadagitoy a naited a patubo tapno manamnama a mabenepisiaran dagiti maseknan a mangpatan-ay kadagitoy. # (Web In-Action)
No comments:
Post a Comment