Cabugao, Ilocos Sur – Maibatay iti 4rth Month Accomplishment Report ti LGA Tech, Inc., impakaammo ni Ms. Revelina R. Bayona, Vice President for Operations nga umaboten ti 84 porsiento ti dagup iti napaglalasin a nakolektada a basura para iti maar-aramiden a composting idinto ta 16 porsiento met ti naipanen iti disposal area. Ti nadakamat nga 84 % ket kaibatoganna iti 116,249 a kilos ti biodegradable materials (mapagrupsa) a naipan iti Material Recovery Facility (MRF) iti kompania a mapagbalin nga organic fertilizer.
Dadduma pay a nagdur-asan ti gapuanan ti LGA Tech, Inc. a kapartner ti LGU Cabugao iti pannakaisimpa ti basura ket dagiti sumaganad:
1.Staff development tapno maingato ti kinagaget dagiti kaduada nga agtrabaho iti Ecology Center.
2.Napintas nga operasion ti Central Material Recovery Facility a pakaus-usaran ti shredded machine iti basura sakbay a maipan iti composting bins/windrows tapno maparupsa ditoy.
3.Agtultuloy a pannakaipalagip ti panamaglalasin kadagiti mabunag a basura uray manipud iti NISTC Public Market agraman kadagiti pasdek-negosio ken iti innem a service barangays.
4.Feedback Mechanism-babaen itoy a panagited ti kapanunotan ket maikkan iti gundaway dagiti Stakeholders (maseknan) iti pannakaammo iti panagoperar ti Solid Waste Management Program ti Munisipio iti agdama.
5.Dadduma pay a pannakaited ti kasapulan iti panagaramid ti organic fertilizer babaen iti LGU Cabugao kas iti pannakaited ti chicken manure manipud iti DA-LGU ken iti danum manipud iti Bureau of Fire Safety (BFS-Cabugao).
Dagitoy nga inisiatiba ket paset iti agtultuloy a pannakaipatungpal ti Solid Wastes Management Program ti Munisipio babaen iti partnership ti LGA Tech, Inc. ken iti LGU Cabugao agingga iti agdama. # (Web In-Action)
No comments:
Post a Comment