Cabugao, Ilocos Sur –Maar-aramid latta ti panagdalus iti igid ti kabaybayan agraman iti puon dagiti mapatpatan-ay a mangrove plants iti panangilunsad dagiti kameng ti Fishermen Association kadagiti Coastal Barangay iti Brgy. Pug-os; Salapasap; Sabang; Salomague ken Dardarat a kas pannakikaysada iti pannakapaberde iti kakadilianan a paset ti Clean and Green Program-Coastal Area ti Munisipio.
Kanaig daytoy, naaramid ti Mangrove Planting idi Tawen 2015 a nakaimulaan iti bilang ti Seedlings: Barangay Pug-os-45.000 ken ti Barangay Salomague-35,000, segun ken ni Mrs. Milagros R. Paz, Municipal Fisheries Coordinator a nangtarabay kadagiti mangrove planters.
Kabayatanna, regular latta met a maar-aramid ti coastal clean-up nga igaygay-at dagiti multi-sectoral associations iti uneg dagiti coastal barangay iti Tawen 2016 tapno mabisita, madalusan ken masugotan dagiti namulaan ti mangrove a parte ti kabaybayan, segun ti panagmonitor ni MENRO Edgar S. Balangatan, AT ti LGU-Cabugao.
Dagitoy nga aksion ken inisiatiba ket gubuay ti nakammayet a panagtutunos ti amin a sektor a mangpaberde iti katangriban iti panangilungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment