Tuesday, March 1, 2016

FFS FARMERS TI BRGY. BATO, LAKBAY ARAL-DA IDIAY REGION 2!

Cabugao, Ilocos Sur – Naaramid ti panag-Lakbay Aral dagiti mannalon iti Barangay Bato a kanayonan ti panagadalda iti Farmers Field School (FFS) nga inggannuat ti LGU-Cabugao; DA-RFO 1; OPAG-Ilocos Sur ken ti –DA-Agriculture Training Institute (DA-ATI) ken  tinarabay dagiti Staff ti DA-LGU Cabugao nga idauluan ni Acting Municipal Agriculturist Robert S. Savellla idi Pebrero 23-24, 2016.


Pinasiar ken nagobserbar dagiti nag-Lakbay Aral kadagiti disso a pakasarakan dagiti pasilidades ti agrikultura a kas iti SCRG, Iguig, Cagayan;  CVRC,  Ilagan, Isabela;  PhilRice-Isabela;  ATI-Isabela;  PhilRice-Nueva Ecija; ken ti  CLSU Nueva Ecija. 
Imbatad ni Mr. Obas Bill Y. Baclig, AT, FFS Facilitator a namsek iti padas ken nanayonan iti nasursuro dagiti mannalon itoy a dua nga aldaw nga educational tour-da ket impeksada amin iti panagyamanda iti  agtultuloy suporta ti LGU-Cabugao ken dagiti kakammayetna nga Ahensia kadagitoy nga oportunidad a naited ken nagun-od dagiti mannalon a mangnayon iti kalidad dagiti naadalda. # (Web In-Action)

No comments:

Post a Comment