Cabugao, Ilocos Sur – Naangay ti Pay-out (Over the Counter) ket maserbisyuan ti umabot iti 201 a Households ti Pantawid Pamilyang Pilipino Program (4 Ps) kadagiti amin a barangay ti Munisipalidad ti Cabugao idi Marso 9, 2016 iti Municipal Conference Building. Agkair a lima a bulan (3 AB 2015 – May, June, July 2015 ken 6 2015 – December 2015 ken January 2016) iti naalada a mabatayan iti naawatda a gatad.
Timmaripnong met ni Mayor Edgardo “Ediboy” S. Cobangbang, Jr. iti Municipal Conference Building kabayatan iti pannakataming dagiti 4 Ps Members.
Nangipaay ti Mensahe ni SBM Atty. Bryan Jett S. Pano, Committee Chairman on Social Services. Kimmablaaw ken nagyaman ta maitultuloy latta a maipatungpal ti pannakaited ti Cash Grant kadagiti benepisiario ti 4 Ps iti kallabes a Tawen 2015 ken iti umuna a bulan ti Tawen 2016.
Nagatendar iti nasao a Payout Activity ti Payout Team a binayabay ni MSWD Officer Mrs. Lydia S. Gazmen kasta metten dagiti Staff ti 4 Ps Municipal Link-Cabugao.
Ti Rural Bank of Gattaran, Inc., Cagayan Valley ti partner ti DSWD a nagited ita iti Cash Grant kadagiti 4Ps Beneficiaries.
Maibasar iti pakaammo ti 4 P’s Municipal Operations Office, adda 197 a Households nga immawat ti gatad a P634,300.00.
Timmarabay pay dagiti Municipal Officials nga isuda SBM Vicky S. Serna; SBM SBM Jayhan Charisma Alcid-Tan; ken ni SBM Josefina S. Vallejo iti nasao a taripnong.
Timmulong dagiti Staff ti MSWDO-Cabugao a kaduada da Ms. Jessie Ann O. Tabut; Ms. Juliet Madriaga; Miss Aida S. Cueto ken ni Ms. Rosemarie Pespes iti nasao a Pay-out.
Ti Programa ti 4 P’s ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government babaen iti panangipatungpal ti Ahensia ti DSWD ken kapartnerna ti LGU-Cabugao a makasakup kadagiti benepisiario. # (Web In-Action)
No comments:
Post a Comment