Cabugao, Ilocos Sur – Nairugi ti tallo nga aldaw a panagsanay dagiti 100 a 4 Ps Beneficiaries iti Barangay Aragan, Arnap. Bato, Cael-layan, Catucdaan, Cuantacla, Cuancabal, Daclapan, Dardarat, Lipit, Maradodon, Marga-ay, Nagsincaoan, Namruangan, Pila, Pug-os, Quezon, Reppa-ac, Rizal, Sagayaden, Sisim, ken Turod, Cabugao, Ilocos Sur iti Marso 21-23, 2016 ket naangay ti umuna nga aldaw ti panagsanayda iti Rizal Park, Brgy. Rizal, Cabugao, Ilocos Sur.
Umabot ti 100 a 4 Ps Trainees ti naiprograma nga agpartisipar kadaytoy a kurso nga igannuat ti Sustainable Livelihood Program (SLP) ti DSWD ken nakikammayetan ti LGU-Cabugao nga idauluan ni Mayor Edgardo “Ediboy” S. Cobangbang, Jr. ken ti Department of Trade and Industry (DTI) para kadagiti makasapul ti panggedanda a marigrigat nga umili kadagiti Barangay ti ili.
Iti nasao a panagrugi ti panagsanay, nagatendar da MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao; Miss Aida S. Cueto ken ni Mr. Dennis P. Aguimbag, SLP-PDO ti SLP-DSWD kasta metten kadagiti Staff ti MSWDO-Cabugao ken ti 4 Ps Municipal Link-Cabugao.
Nagdemonstrar met dagiti lima a pannakabagi ti University of Northern Philippines (UNP) Extension Services Office/College of Hospitality & Tourism Management - Vigan City iti pannakaisuro dagiti inna kadaytoy a livelihood training. # (Web In-Action)
No comments:
Post a Comment