Wednesday, March 2, 2016

RIAA PLAYERS TI CABUGAO NORTH CS, ADDA INABAKDA

Cabugao, Ilocos Sur – Pinadayawan ti Cabugao North Central School nga idauluan ni Mrs. Estrellita M. Siruno, Principal II dagiti tallo a RIAA Players a napili iti pageskuelaanda a nakisalisal idiay San Carlos City, Pangasinan idi Pebrero 21-27, 2016 a nakaangayan ti RIAA 2016. Napadayawanda iti imatang dagiti agad-adal iti nasao a pageskuelaan kalpasan iti Flag Ceremony idi Marso 1, 2016.


Mairaman dagitoy a Players kadagiti nangabak iti Team Ilocos Sur nga isuda: Carl Leo Soller, Grade VI ken ni Gian Neil Soller, Grade V, agpada a Tennis Player a nakagun-od ti Bronze Medal idinto ta inabak  met ni Christopher Samuel Sivila, Grade V ti Silver Medal iti Taekwondo Event. # (Web In-Action)

No comments:

Post a Comment