Wednesday, March 23, 2016

SKILLS TRAINING ON HOG FATTENING, NAGLEPPAS

Cabugao, Ilocos Sur – Naileppas  ti maikatlo nga aldaw a  panagsanay dagiti 100 a 4 Ps Beneficiaries iti Barangay Aragan, Arnap. Bato, Cael-layan, Catucdaan, Cuantacla, Cuancabal, Daclapan,  Dardarat, Lipit, Maradodon, Marga-ay, Nagsincaoan, Namruangan, Pila, Pug-os, Quezon, Reppa-ac, Rizal, Sagayaden, Sisim, ken Turod, Cabugao, Ilocos Sur iti Marso 23, 2016 ket naangay ti maikatlo nga aldaw ti panagsanayda iti Cabugao Cultural and Sports Complex, Brgy. Rizal, Cabugao, Ilocos Sur.


Umabot ti 100  a 4 Ps Trainees  ti naiprograma nga agpartisipar kadaytoy a kurso nga inggannuat ti Sustainable Livelihood Program (SLP) ti DSWD ken nakikammayetan ti LGU-Cabugao  nga idauluan ni Mayor Edgardo “Ediboy” S. Cobangbang, Jr. ken ti Department of Trade and Industry (DTI)  para kadagiti makasapul ti panggedanda nga umili kadagiti Barangay ti ili.

Iti nasao  a maikatlo nga aldaw, naiyadal kadagiti Trainees iti panagpatan-ayan  ti baboy babaen iti panaglektiur dagiti Technician iti 5 Js Seguban Agriventures, Inc. 

Nagsarita ni Mayor Edgardo “Ediboy” S. Cobangbang, Jr. ket kimmablaaw ken nagyaman  ta agtultuloy latta ti pannakaited iti panagsanay kadagiti 4 Ps Beneficiaries babaen iti DSWD-DTI ken komkomplementaran ti LGU-Cabugao babaen iti panangtarabayna kadagiti Trainees.

Nagsarita met ni SBM Atty. Bryan Jett S. Pano, Committee Chairman on Social Services. Anag ti Mensahena iti panangapresiarna  kadagiti Trainees ta naballigi iti resulta ti 3-day training-da.


Nagatendar met da MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao; Miss Aida S. Cueto  ken ni Mr. Dennis P. Aguimbag, SLP-PDO ti SLP-DSWD kasta metten kadagiti Staff ti MSWDO-Cabugao ken ti 4 Ps  Municipal Link-Cabugao. 

Nagdemonstrar dagiti pannakabagi ti University of Northern Philippines (UNP) Extension Services  Office/College of Hospitality & Tourism Management - Vigan City iti kadaytoy a livelihood training iti maikadua nga aldaw idinto ta naglektiur dagiti pannakabagi ti CJ Philippines ken ti 5 Js Seguban Agriventures nga idauluan ni Mrs. Juliet A. Seguban iti maikatlo nga aldaw ti seminar. 

Nakikaysa met da Mr. Recson Villacillo, CJ Philippines Senior Regional Manager; Mr. Aldrex Belaras, District Manager, Abra ken ni Ms. Renalyn Biding, District Manager, Ilocos Norte. # (Web In-Action)


No comments:

Post a Comment