Cabugao, Ilocos Sur – Segun ken ni Mr. Obas Bill Y. Baclig, Agriculture Technologist ti LGU-Cabugao ken Facilitator iti lepleppas a programa ti Corn Production kadagiti mannalon iti Barangay Bato, Cabugao, Ilocos Sur a napauluan iti “Season-Long Farmers Field School of Local Farmer Technician on Sustainable Corn Production” nga inesponsoran ti DA-RFO 1, San Fernando City, La Union, Agriculture Training Institute (ATI), OPAG-Ilocos Sur ken ti LGU-Cabugao.
Innayon ni Mr. Baclig a naimula ti bukel a masasao a White Green Corn iti kalawa a 3,600 Metro-Kuadrado a nagpaay a “Learning Field” dagiti Farmer-Partners idiay Barangay Bato, Cabugao, Ilocos Sur.
Kalpasan a maikkat iti amin a nagastos ket naka-netoda iti P36,000.00 itoy a kalawa ti namulaan ti mais.
Innayon ni Mr. Baclig a no agtultuloy a maadaptar daytoy a wagas ti panagmula ti mais ket assideg a manayonan ti masapulan dagiti mannalon nangruna ta nalaka a malako ken mabalin a pagsaramsam daytoy a baro a takuat a produkto. # (Web In-Action)
No comments:
Post a Comment