Monday, April 25, 2016

3rd DAY TI RAGSAK CABUGAO FESTIVAL 2016, NARAMBAK!

Cabugao. Ilocos Sur -  Kangrunaan a nangparagsak ti maikatlo nga aldaw ti panagpiesta ti ili ket iti pannakapili dagiti kandidata/kandidato iti Mr. & Miss Teen Cabugao 2016. Naaramid ti Pageant Night idi rabii ti Abril 23, 2016 ket  naangay iti Cabugao Central Park (CCP)  Auditorium  a no sadino a ditoy ket dandani  awan iti itiitan iti kaadu ti  umili ken sangaili a nangokupar ken magagaran a nagbuya.

CLICK HERE TO VIEW MORE PHOTOS
Sakbayna, naaramid ti Motorcade iti bigat kadayta nga aldaw ket naiparada dagiti Kandidata/Kandidato iti aglawlaw ti ili a binayabay dagiti nadumaduma nga esponsor ken patron iti pakontes iti nadakamat a motorcade.

Naisaruno ti pannakaaramid ti Smart Bingo Bonanza iti 9:00 am iti Cabugao Cultural and Sports Complex.

Daytoy a salip ket  naipangruna a pakontes ti LGU-Cabugao nga idauluan ni Mayor Edgardo “Ediboy” S. Cobangbang, Jr.  a mangpangayed iti rabii sakbay ti Kaaldawan ti Panagpiesta ti ili, Abril 25. 

Sakbayna, naiyam-ammo dagiti nangbukel iti Hurado iti pasalip kadayta a rabii babaen kadagiti Hosts. Naipakaammo dagiti pagibasaran iti panagpilida kadagiti mangabak a Contestant.

Kalpasanna, indibidual a nagpresenta/inyam-ammoda  ti bagida dagiti kandidata/kandidato  iti entablado. Naiparang dagiti Talento a kupkupikopan ti tunggal Contestant. 

Iti Awarding, tunggal presentasion ket naipakaammo ti nagballigi a kandidata/kandidato. Ditoy met a napan nagisaad dagiti natudingan a personalidad  iti pannakaikabil ti banda ken dadduma pay a maited a maisagut kadagiti nagballigi a Contestants.

CLICK HERE TO VIEW MORE PHOTOS
Sakbayna, nagdalan daytoy a pasalip iti naiget a panagarisit kadagiti nalilibnos a dayag ken naguapo a babbaro  a naggapu kadagiti barangay ti Munisipalidad ti Cabugao.

Kangrunaan a namagpikapik iti darikmat dayta a pageant show ket iti panagatendar ni Actor Jericho Rosales iti Movie Industry ket nanayonan iti ragsak, ngayed ken rambak dayta a rabii a para iti amin a nagatendar ken nagbuya.

Daytoy a pasalip ket inangay   ti Munisipalidad ti Cabugao iti panangesponsor dagiti Opisiales ti Gobierno Lokal, indibidual  ken establisimiento ti negosio.

Nangabak ni Miss Janna Sumibcay  ti Barangay Baclig, Cabugao, Ilocos Sur a Miss Teen Cabugao 2016 ken ni Mr. Jean Rannie Cal;aranan ti Barangay bTurod a Mr., Teen Cabugao 2016 manipud kadagiti sangapulo a paris a Finalists ( iti nasao a Beauty and Brain  Contest Competition. # (Web In-Action) 

CLICK HERE TO VIEW MORE PHOTOS 

No comments:

Post a Comment