Monday, April 4, 2016

CLOSING EXERCISES TI CABUGAO SOUTH CS NAANGAY ITI MARSO 31

Cabugao, Ilocos Sur – Naangay ti Closing Exercises  and Recognition Day  ti  Cabugao South Central School  ket  naangay ti  Graduation Ceremonies ket nagpaay  a Guest of Honor and Speaker ni Mr. Antonio Sistoza Farinas, Principal IV, Sinait National High School ken CSCS Class 1970. 


Imbinglay ni Mr. Farinas dagiti "Tips Ti Balligi"   nga aramiden dagiti naggraduar nga ubbing.

Nagturpos  ni Mr. Farinas  iti Class 1970 ditoy nga eskuela ket pagwadan ti natun-oyanna  a balligi a pagsarmingan dagiti nagturpos.

Naisaganad ti Recognition of Honor Graduates. Inyaspili dagiti nagannak/Guardians  dagiti  ribbondagiti nagturpos.

Presentation, Petition & Confirmation of the Candidates for Graduation ti inaramid ni Mrs. Melvi S. Sajonia, Peiuncipal II, CSCS.

Nasangaili ni Mrs.  Jerlie Seguban-Cobangbang a nangibagi ken ni Mayor Edgardo “Ediboy” S. Cobangbang, Jr. a nangiyukkor   ti Gold Medal, Medal for the Best Achiever of the Year ken ni Finnela Daphne P. Jularbal, Class Valedictorian 2016 iti Graduation Ceremonies.

Naited pay ti dadduma a Gold Medal ken ni Finnela a naggapu kada Gov. Ryan V. Singson; Congressman Ronald V. Singson; ken St. Paul College, Ilocos Sur.

Naiyukkor met ti Medal for Leadership Award nga indonar ni Vice Gov. DV Savellano.  Kasta pay dagiti  naipaay a Gold Medal to the Little Public Servants kadagiti lima a Honor Graduates. 


Dagiti dadduma a medalia (Silver & Bronze), Trophy ken Cash  ket indonar dagiti prominente nga umili ti Cabugao ken nayukkor iti  Class Valedictorian ken dadduma a Honor Graduates  babaen kadagiti natudingan a pannakabagida.

Naikkan met ti Medal to the Outstanding Graduates dagiti Graduates with Honors ken Awarding of Medals to the Young Public Servants babaen iti LGU nga isuda Finnela Daphne P. Jularbal; Cherrise Keesha M. Nitcha ken ni Jus Deu Exelcis C. Azcueta.

Iti Moments of Recognition, naragsak dagiti nagannak, Guardians a nangkibin kadagiti ubbingda  a binayabay dagiti  PTA Officers, Brgy. Officials, Guests ken Donors a nagmartsa sakbay ti panangibasa ti tunggal Adviser  dagiti  Honor Pupils (Kindergarten agingga iti Grade V) nga isuroda . Inyaspili dagiti nagannak/Guardians  dagiti nagun-odda a ribbons ken pammadayaw. 

Nangipaay met ti Inspirational Message ni  Mrs. Edith Somera Savellano, Mangisursuro iti Grade III iti Cabugao South Central School ken kameng ti CSCS Class 1980.

Impasagepsepna ti pateg ti adal kadagiti ubbing; ti panagtuloyda nga agadal ken kinasaganada iti implementasion ti K to 12 ken panaggaggagetda ken panagtulnogda kadagiti nagannak kadakuada tapno agbalin a naraniag ti masakbayanda.


Nai-award pay dagiti medalia  para iti Undergraduate Achievers babaen kadagiti Coaches-da. Napadayawanda kadagiti Subjects iti Filipino, English, Math, Science, Journalism, GSP Campers, BSP Achievers, kasta pay iti dadduma a paglaingan  dagiti undergraduates (Grade 1 to V).

Nag-Words of Welcome ni Mr. Walberto A. Torres, CSCS PTA  ken FPTA President. Inawisna ti imatang ti amin a timmabuno  a mangbuya iti panagturpos ken kulminasion ti panagserra ti klase  dagiti agad-adal.

Iti Closing Remarks, nagyaman ni Mrs. Melvi S. Sajonia, Principal II ti CSCS  kadagiti amin a nakigamulo iti naballigi a preparasion ti programa kasta met ti pannakidinnanggay  dagiti Opisiales ti LGU   ken dagiti  Barangay Officials ti Barangay Bonifacio  a dimmar-ay itoy a pasamak iti pageskuelaan.

Nagtitinnulong a nag-Emcee da Miss Jennifer D. Savellano; Mrs. Anabelle R. Ancheta; ken ni Mrs. Odette V. Somera iti  Graduation Ceremonies  idinto ta da Mr. Rommel M. Santella; Mrs. Filipina P. Serrano ken ni Mr. Nathaniel S. Santella iti Moments of Recognition. (Web In-Action) 

No comments:

Post a Comment