Tuesday, April 5, 2016

NAG-TRAINING TI HOG FATTENING, NAIKKANDA TI PANGRUGIANDA

Cabugao, Ilocos Sur – Naileppas  ti panagsanay dagiti 4 Ps Beneficiaries iti Barangay Aragan, Arnap. Bato, Cael-layan, Catucdaan, Cuantacla, Cuancabal, Daclapan,  Dardarat, Lipit, Maradodon, Marga-ay, Nagsincaoan, Namruangan, Pila, Pug-os, Quezon, Reppa-ac, Rizal, Sagayaden, Sisim, ken Turod, Cabugao, Ilocos Sur idi Marso 21-23, 2016 iti Cabugao Cultural and Sports Complex, Brgy. Rizal, Cabugao, Ilocos Sur.

Umabot ti 100  a 4 Ps Trainees  ti nagpartisipar kadaytoy a kurso nga inggannuat ti Sustainable Livelihood Program (SLP) ti DSWD ken nakikammayetan ti LGU-Cabugao  nga idauluan ni Mayor Edgardo “Ediboy” S. Cobangbang, Jr. ken ti Department of Trade and Industry (DTI)  para kadagiti umili a seknan ti programa kadagiti Barangay ti ili.

Naaramid ti panagmiting dagitoy a Trainees itay nabiit babaen iti panangtimon ni Mr. Dennis P. Aguimbag, SLP-PDO ti SLP-DSWD.

Daytoy a panagmitingda ket pakaseknan iti naiprograma iti saggaysada a tarakenen a burias ken mausarda a Tool-Kits iti proyektoda a Meat Processing.

Nagsarita ni Mayor Edgardo “Ediboy” S. Cobangbang, Jr. ket kimmablaaw ken nagyaman  ta agtultuloy latta  ti panagited ti DSWD-DTI iti agtultuloy a proyekto a pakaseknan iti pagbiagan dagiti adda iti sektor-marigrigat a  kaamaan ti 4 Ps ken komkomplementaran latta met ti LGU-Cabugao babaen iti panangtulongda iti kasapulan dagiti  Trainees/Recipients.

Nagatendar met da MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao; Miss Aida S. Cueto  ken ni Mr. Dennis P. Aguimbag, SLP-PDO ti SLP-DSWD kasta metten kadagiti Staff ti MSWDO-Cabugao ken ti 4 Ps  Municipal Link-Cabugao iti nasao a miting. # (Web In-Action)

No comments:

Post a Comment