Tuesday, April 5, 2016

MEETING TI SENIOR CITIZEN, NATAMING DAGITI PROYEKTODA

Cabugao, Ilocos Sur – Nagmiting dagiti Opisiales ken Kameng ti Cabugao Federated Senior Citizens itay nabiit ket naaramid ti mitingda iti Senior Citizen’s Center, Brgy. Rizal, Cabugao, Ilocos Sur.

Impakaammo ni Mr. Bonifacio Somera, Presidente a nagatendar met da  Mr. Remigio Sunico, OSCA Head iti nasao a miting ken ni Mrs. Lucila S. Somera, pannakabagi ti LGU-Cabugao kadagiti nataengan.

Innayon ni Mr. Somera nga intultuloyda a  trinatar  iti maipapan ti napintas a koleksion ti Saranay-da; updating ti kameng ti Senior Citizens iti kada barangay ken ti Regular a Monthly Accomplishment Report ti Pederasion. 

Kabayatanna, innayon ti Presidente nga inragpinda a napagpapatangan dagiti planoda nga igannuat  a proyektoda iti Tawen 2016 para iti pagsayaatan ti hanay-da a nataengan.  

Nagatendar ken naglektiur ni Mrs. Anna Lyn Siababa, Municipal Accountant tapno maisuro kadakuada  iti wagas ken proseso iti  panangi-withdraw-da ti 1% a mabianganda iti Internal Revenue Allotment (IRA) iti bukodda a barangay isu pay a maiproyektoda a para iti pagsayaatan ti sapasap a sektor-nataengan. 

Nataming iti Financial and Work Plan para iti Federated Chapter ti Senior Citizen. # (Web In-Action)

No comments:

Post a Comment