2-DAY SEMINAR TI GRADE II TEACHERS, NAANGAY

Cabugao, Ilocos Sur – Naangay ti Re-echo Seminar on Beginning Reading: A Basic Learning Tool for Grade II  Teachers iti Cabugao North Central School idi Hunio 14-15, 2013 a nagatendaran dagiti Grade II Teachers ken  School Heads nga idauluan ni Public Schools  District Supervisor Helen V. Siruno  ti Cabugao DepED District.

Nagpaay a Trainors da Ms. Virgie C. Tipon, Ms. Clarett Liezl B. Sambrana, Ms. Rodelita A. de Leon, Mr. Nestor I. Cobangbang, Jr. ken Ms. Haydee T. Duque.

Iti Opening Program, inyam-ammoda dagiti nagpartisipar a mangisursuro ken kasta met dagiti Lecturers/Trainors babaen kada Mrs. Haydee T. Duque ken Mrs. Virgie C. Tipon kas panagsaganadda. Orientation met ti inaramid ni Mrs. Clarett Liezl B. Sambrana.

Kangrunaan a nagkonsentraran  dagiti topiko a nawarwar iti dua nga aldaw ket iti nadumaduma nga approaches/estratehia  ti panagisuro, kinasagana ti ubbing nga agadal iti panagbalikas ken panagsurat, demonstration teaching, preparation of instructional materials ken dadduma pay a napateg a topiko/techniques  a kanaig ti epektibo ken nakalidad a  wagas a panagisuro ti ubbing.

Naaramat pay dagiti video presentations, chart and blackboard reading  ken workshops  a nangpapintek  ti  mayadal. Makainspirar met ti Impressions nga impaay dagiti Grade II Teachers.

Iti Words of Challenge ni Cabugao DepED Supervisor Helen V. Siruno, dinakamatna ti pateg ti panangasa ti kabaelan nga agisuro a mangiladawan   ti kalidad ti edukasion a mangmuli kadagiti ubbing nangruna iti implementasion ti K to 12 Basic Education.

Kalpasan ti Awarding Ceremonies, pinagyamanan ni Mrs. Melvi S. Sajonia, Principal II, Cabugao South Central School iti panagballigi ti  paseminar ket dinayawna  dagiti padana a mangisursuro ken Trainors  iti reggetda a nagiinnadal iti dua nga aldaw a panagsanay a mangiyagpang iti kabaelanda iti panagisuro. Innayon ni Mrs. Sajonia a kasapulan unay ti kakastoy a panagsanay gapu ta responsibilidadda iti pannakaital-o iti kalidad ti masursuro dagiti ubbing.
Nagpaay nga Emcee da Mr. Nestor I. Cobangbang, Jr., Mrs. Virgie C. Tipon ken Mrs. Clarett Liezl B. Sambrana. # (Web In-Action)