Saturday, June 15, 2013

FISH TRAP, INTED TI BFAR ITI WESTERN SALOMAGUE FA

Cabugao, Ilocos Sur – Nai-award ti 10 a Fish Trap kadagiti kameng ti Western Salomague Fisherman’s Association nga idauluan ni Mr. Magno Carbonel, Presidente.

Daytoy a ramit ket maikabil iti 25 a kadapan ti kaadalemna iti baybay ket potensial nga alaenna dagiti dadakkel nga ikan a kas iti salmon, tanggige ken Lapu-lapu.


Nayallawat dagitoy a pagkalap kadagiti mangngalap babaen kadagiti kameng ti BFAR nga inimatangan da Municipal Fisheries Program Coordinator Milagros R. Paz, SB Member Benedicto M. Savellano, Committee Chair on Agriculture  ken Opisiales ti Barangay idi Hunio 13, 2013 iti Brgy. Salomague, Cabugao, llocos Sur.

Ti Western Salomague FA ket addaan ti 30 a kameng iti agdama.

Daytoy nga aksion ken inisiatiba ket  gubuay  ti  panangitandudo ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a mangtulong kadagiti mangngalap babaen iti pannakailungalong  kadagiti proyekto iti BFAR a mangited ti pagsayaatan dagiti mangngalap iti ili ti Cabugao, Ilocos Sur. # (Web In-Action)

No comments:

Post a Comment