Cabugao, Ilocos Sur – Naaramid ti pannakagrupo ken panagmiting dagiti Farmer-Beneficiaries ti Brgy. Reppa-ac-Pug-os iti marugian a proyekto ti Ilocos Integrated Agricultural Research Consortium (ILIARC)-Regional Field Unit 1, San Fernando City, La Union itay nabiit ket naangay ti panagtataripnong iti Sirok ti Kaykayo, Cabugao Dayo, Brgy. Baclig, Cabugao, Ilocos Sur babaen kadagiti DA-LGU Personnel nga idauluan ni Municipal Agriculturist Zenaida S. Andrada.Nagrupo dagiti Farmer Enrollees iti Farmer’s Field School (FFS) a mangrugi iti Wet Season Crop 2013 (Hunio-Nobiembre) ken napagnunumuan pay ti disso ti Learning Field ken Learning Center para iti 16 a lawas a panagadal ken aktual a panagala ti datos ti Agronomic Ecosystem Approach (AESA) a kanaig ti programa.
Kagiddan itoy, naited kadagiti Farmer-Beneficiaries ti 15 a bags ti rice seeds a mausarda iti panagbubunubonda babaen kadagiti pannakabagi ti DA-LGU.
Dagitoy nga aksion ken inisiatiba ket gubuay iti di agsarday a panangikalikagum ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti pannakaprobitsar dagiti Ahensia a makatulong iti pannakaiyintek ti proyekto ken programa ti Departamento ti Agrikultura (DA) tapno agtultuloy nga agprogreso dagiti mannalon iti ili ti Cabugao, Ilocos Sur. # (Web In-Action)
No comments:
Post a Comment