Cabugao, Ilocos Sur – Naangay ti dua nga aldaw a panagsanay dagiti IA Members ti Magarang Irrigators’ Association a makasakup iti Brgy. Cuantacla, Cacadiran, Nagsincaoan, Lipit ken Arnap iti Barangay Hall, Barangay Cuantacla, Cabugao, Ilocos Sur.
Iti Day 1 (Hunio 10, 2013), narugian ti seminar babaen iti ababa a programa sa narugian ti: “Capability Enhancement Training in Managing the Irrigation System (CETMIS). Pammasangbay a sarita ti impaay ni Mr. Elpidio Sonido, Magarang IA President ket pinagyamananna ta maikkanda ti adal no kasano a tamingenda ti operasion ken mentenansia ti kanal ken iti panagpadanumda babaen iti panangtarabay ti Opisina ti NIA (ISIMO)-Sta. Maria, Ilocos Sur nga idauluan ni Engr. Adriano F. Amano, MPA, Division Manager A.
Kalpasan a mayam-ammo dagiti nagpartisipar, nagtitinnulong a naglektiur da Mr. Dhanie S. Tolentino, Sr. IDO, NIA-ISIMO, Mr. Gerald I. Inovejas, IDO-A ken Ms. Mia T. Quindipan, IRD Asst. B dagiti topiko maipapan dagiti panggep ti panagsanay, benepisio a magun-od iti irigasion, dagiti sistema ti irigasion, usar ti istruktura ken pasilidades ti irigasion, rice stages, rice and global climate change ken water delivery and distribution.
Nagpaay a Facilitator ni Mr. Ronald A. Verzola, IRD Asst. B.
Ti pannakaipasdek ti Gaco Irrigation Project (GIP) ket mangkomplementar ti prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno maipaayan dagiti mannalon iti supisiente a pagpadanum iti panagtalonda ken mabenepisiaranda kadagiti pagsayaatan nga itden ti kaadda ti irigasion iti maysa a lugar wenno lokalidad. # (Web In-Action)
No comments:
Post a Comment