Cabugao, Ilocos Sur – Naangay ti
meeting-workshop dagiti Barangay Nutrition Scholars (BNS) iti Munisipalidad ti Cabugao itay nabiit
ket napagsasaritaan ti panangisaganada kadagiti papelesda kangrunaan dagiti Accomplishment
Report-da para iti Regional Evaluation ti BNS kadagiti sumaganad a lawas.
Imbatad ni Mrs. Joenah G. Sevilleja,
BNS Coordinator a nagmalmalemda a nagikamakam kadagiti papelesda a ma-fill upan
(ken back log) ken mapirmaan ken
inurnosda dagiti mayataday a datos a mailanad kadagitoy.
Kasta pay a maistudiar ti nagapuananda
iti nabukel a Municipal Nutrition Action
Plan Implementation iti 2012 ken iti agdama a maipatungpal iti Tawen 2013.
Dagiti BNS ket napigsa a katulongan ti
Barangay ken Munisipio iti pannakaipakat dagiti programa maipapan iti
pananglapped ti Mal-nutrision a nangruna
a pakaseknan dagiti ubbing kadagiti nakurapay a pamilia.
Dagitoy nga aksion ken inisiatiba ket
gubuay ti napintek a programa ti Gobierno Munisipal nga idauluan ni Mayor
Edgardo “Ediboy” S. Cobangbang, Jr.
tapno agtultuloy a tuman-ay a produktibo dagiti ubbing para iti
pagsayaatan ti komunidad ken ti pagilian. # (Web In-Action)
No comments:
Post a Comment