Cabugao, Ilocos Sur – Iti pannaki-amad ti Web In-Action idi Hunio 13, 2013, imbatad ni Mr. Dominador Reynold Sabio, Presidente, BACALL MPA a malaksid iti nasurok a 60 Tonelada a pinagangoda a napusi ti yellow corn iti kallabes a lawas, immawatda manen ti sabali a 200 a kaban a sag-50 kilos nga ipamagada iti Flatbed Dryer-da. Ti napusi a mais ket naggapu iti Bantay, Ilocos Sur.
Sakbayna, innayon ni Mr. Sabio nga iti naminsangapulo a panangaronda iti Flatbed Dryer kadagiti produkto dagiti kameng a mais ket manaynayonan ti ammoda iti teknik ti panangusar ti Flatbed Dryer nga epektibo a pagibilagan no la ket ta masurot a naimbag iti umisu a pannakaisagana dagiti bagnet a pinusi a mais sakbay a maaronan ti burner-na.
Babaen iti serbisioda kadagiti dumaydayo nga agipagango, umad-adu met iti parokianoda iti napintas a pagbanagan dagiti mapamagaan a linabag ti bukel ti mais kas kiddawen ti mayataday a Moisture Content ( 14 MC) a kayat dagiti buyer ti mais idiay pagilakuanda.
Mangnamnama dagiti kameng ti BACALL MPA a magabenanda dagiti maiyeg kadakuada a maipagango ken mausar met dagiti dadduma a Flatbed Dryer dagiti asosasion iti ili ti Cabugao tapno makabuangay ti pagtrabahuan dagiti miembros ken pagkakitaan ti asosasion. # (Web In-Action)
No comments:
Post a Comment