Cabugao, Ilocos Sur – Naitapog ken naiplastar dagiti 10 nga artificial reef a nagbuligan nga impaay ti Bureau of Fisheries and Aquatic Resources (BFAR) Regional Office 1 nga idauluan ni Regional Director Nestor Domenden kasta met iti LGU-Cabugao nga idauluan ni Mayor Edgardo “Ediboy” S. Cobangbang, Jr. iti paset ti kabaybayan ti Brgy. Daclapan ken Brgy. Namruangan idi Huio 4, 2013.
Inasistiran ni Municipal Fisheries Coordinator Mrs. Milagros Ramirez Paz, AT dagiti mangngalap iti nadakamat a barangay nga idauluan ni Federation President Ramon Frando ti Brgy. Daclapan iti pannakaitapog ken pannakaiplastar dagiti artificial reef iti medio-adalem a paset ti igid ti baybay kadagiti dua a nadakamat a barangay.
Inasistiran ni Municipal Fisheries Coordinator Mrs. Milagros Ramirez Paz, AT dagiti mangngalap iti nadakamat a barangay nga idauluan ni Federation President Ramon Frando ti Brgy. Daclapan iti pannakaitapog ken pannakaiplastar dagiti artificial reef iti medio-adalem a paset ti igid ti baybay kadagiti dua a nadakamat a barangay.
Panggep daytoy a proyekto a sulnitan ti kakirang ti pagaponan ti ikan kadagitoy a deppaar babaen iti pannakaipasdek ti artificial reef a pagaponan dagiti lames-baybay iti kabaybayan a nagbedngan dagitoy a barangay.
Ti agtultuloy a programa ti BFAR Region 1 ken LGU-Cabugao a panangtulong iti panagkalap dagiti asosasion kadagiti coastal barangays ket agresresulta iti positibo nga aksion nga agbalinda a naregta a mangabrasa kadagiti programa ken proyekto a maipaay kadakuada a pakaseknan iti pagbiaganda ken pagikanan ti sapasap. # (Web In-Action)
No comments:
Post a Comment