GENERAL MEETING TI BHW’s KEN BNS’s, NAANGAY

Cabugao, Ilocos Sur – Naangay ti General Meeting ti Barangay Health Workers (BHW’s) ken Barangay Nutrition Scholars (BNS’s) iti intero a Munisipalidad ti Cabugao itay nabiit idiay Municipal Conference Hall, Cabugao, Ilocos Sur.
Nagatendar da Provincial Nutrition Action Officer Edith  S.  Castillo ken Provincial Federation President Zenaida Pulido.

Dagiti natratar ken napagnanamingan:

Update ken panangited ti Provincial Government iti Philhealth Card kadagiti awanan a BHW’s ken madesignaranda a mangkuyog iti masakit a Philhealth Card Holder kadagiti Ospital-Pampubliko ket maikkanda ti gungona babaen iti programa ti  Gobierno Probinsial. Daytoy a programa ket inlungalong ni Vice Governor DV Savellano.

Napagsasaritaan iti pakaseknan dagiti BNS’s kas iti Honorarium-da, pannakatulong kadakuada iti mobilisasion kadagiti barangay iti  pakaseknan ti programa ti Nutrision ken pannakamantener ti pannakipasetda  iti salip ken iti pannakamantener dagiti  Awards  a natun-oyanen ti ili ti Cabugao iti Probinsial, Rehional ken Nasional a Kategoria pakaseknan ti Nutrision.

Iti pannaki-amad ti Web In-Action idi Mayo 31, 2013, imbatad ni Ms. Macrina I. Saturno, Multi-Awardee iti Nutrision iti naregregta koma a pannakaitandudo ti programa ti  Nutrision kadagiti barangay ken pannakaipamaysa kadagiti kasapulanda tapno maragpatda dagiti naiplanoda a maaramid a pagsayaatan ti sapasap nga umili. # (Web In-Action)