INDEPENDENCE DAY, NAGSELEBRAR TI LGU-CABUGAO

Cabugao Ilocos Sur – Nagselebrar ti Local Government Unit (LGU)-Cabugao, Ilocos Sur nga idauluan ni Mayor Edgardo “Ediboy” S. Cobangbang, Jr. agraman dagiti  barangay, ti DepED Cabugao District nga idauluan ni Public Schools District Supervisor Helen V. Siruno, dadaulo ken Personnel ti  Private and Public  Secondary Schools ken dadduma pay a sektor ti kagimongan babaen iti aktibidad a “Tree Planting” ken maibilang nga Arbor Day iti  Hunio 12, 2013.

Naangay ti panagmula ti seedlings (mahogany, gmelina ken palm tree) iti ikub  ti Barangay Tree Park Area, Brgy. Baclig, Cabugao, Ilocos Sur ken iti agsumbangir a paset ti Kalsada Probinsial  nga agpa-Brgy.  Salomague.

CLICK HERE TO VIEW MORE PHOTOS

Indauluan ni  Mayor Ediboy ken  ni Vice Mayor  Danny Q. Gazmen dagiti Opisiales ti LGU-Cabugao agraman dagiti Department Heads/Office Personnel ken nakikaysa met dagiti School Heads/Personnel ti Cabugao DepEd District, Private and Public Secondary Schools, Municipal Police Station (MPS), Bureau of Fire Safety (BFP)  iti   panagmula ti kayo iti nagkadua a disso.

Kalpasan ti Tree Planting Activities, naangay ti Flag Raising Ceremony iti Flagpole Stand ti Cabugao Central Park, Brgy. Bonifacio, Cabugao, Ilocos Sur a nagpartisiparan dagiti nagmula ti kayo. Pinagyamanan ni Vice Mayor Danny Q. Gazmen ti natunos a panagtutugmok ti nadumaduma nga Ahensia ken  ti Opisina iti Munisipalidad ti Cabugao iti naballigi a pannakaaramid ti Tree Planting.

CLICK HERE TO VIEW MORE PHOTOS

Naisaganad ti Wreath-Laying  iti sakaanan ti Monumento da Gat Andres Bonifacio, General Eustaquio Baclig, General   Antonio A.  Luna, Dr. Jose P. Rizal ken nag-Presidente Manuel L. Quezon a masarakan dagitoy a disso iti Poblasion babaen ti panangidaulo dagiti Konsehales  ti ili ken dadaulo ti Opisina iti grupo iti  naggigiddan a pannakaidaton ti sabsabong iti sakaanan dagiti nadakamat a bannuar.

Daytoy nga aktibidad ket tinawen a mapaspasamak a panangselebrar ti panagwaywayas iti Republika ti Pilipinas nga aramiden ti amin nga umili iti intero a pagilian iti kada Hunio 12. Naaramid met ti Tree Planting Activities kadagiti barangay kas pangannurot iti napagkaykaysaan ken  napagtutulaganda  sakbayna.

Nakikaysa met iti nadakamat nga aktibidad da SB Member Vicky S. Serna, SB Member Benedicto  M. Savellano, SB Member Josefina S. Vallejo, MLGO Officer V.  Connie L. Quinola, MPS Chief William N. Nerona ken BFP Fire Marshal Insp. Elmer Acapuyan.  # (Web In-Action)