Cabugao, Ilocos Sur – Iti pannakiuman ti Web In-Action idi Mayo 31, 2013, imbatad ni Dr. Elizabeth S. Pablico, DPA, Caretaker-Municipal Agrarian Reform Office (MARO), Cabugao, Ilocos Sur a malaksid iti pakaseknan ti panagtagikua ti dagdaga ti as-asikasuenda ket ipatpatungpalda pay dagiti programa ti DAR kas iti sumaganad:1.Naaramid ti panagsanay iti Basic Cooperative Course kadagiti DAR-Assisted Cooperatives kadagiti Agrarian Reform Communities (ARC’s) a nagpartisiparan ti 70 a kameng iti Arnap Sunrise MPCI ken 28 a miembros iti New Maradodon MPCI idiay Alad Bar Resort, Caoayan, Ilocos Sur iti dua nga aldaw.
2.Asistiran ti MARO-Cabugao dagiti mannalon ita a Wet Season Crop 2013 a mangiseguro kadagiti mulada a pagay babaen ti panagtinnulong ti Philippine Crop Insurance Corporation ken Department of Agrarian Reform (DAR).
3.Tumulong dagiti Personnel ti MARO-Cabugao a mangileppas kadagiti kasapulan a papeles dagiti agaplikar tapno mapadaras ket maipasigurado ti magun-od ti mannalon a gunggona (indemnity) no makalamidad ti mulana a pagay.
4.Agtultuloy a pannakikammayet kadagiti barangay a masakupan ti programa ti DAR tapno mayasideg ti panggep ti Ahensia kadakuada ken saan a marigatan nga agpaili dagiti Agrarian Reform Beneficiaries (ARBA’s).
Dagiti gannuat ken programa ti nadakamat nga Opisina ket makibinnulig iti LGU-Cabugao nga idauluan ni Mayor Edgardo “Ediboy” S. Cobangbang, Jr. a mangipaay kadagiti serbisio a kasapulan pay a maidanon kadagiti mannalon nangruna iti barbarangay . # (Web In-Action)
No comments:
Post a Comment