Cabugao, Ilocos Sur – Iti agtultuloy a Farm Mechanization Program ti Departamento ti Agrikultura (DA) ken babaen ti prayoridad a programa ti Agrikultura iti LGU-Cabugao nga idauluan ni Mayor Edgardo “Ediboy” S. Cobangbang, Jr., naipaayan manen ti ramit ken makinaria-pang-agrikultura (Kuliglig with Complete Accessories, Reaper ken Rice Thresher) babaen iti Counterparting Scheme (85%-DA ken 15% ti FA & LGU) ken nayon a katulagan ti panagikut ken panagusar iti nagbaetan dagiti Farmer’s Associations, LGU ken iti DA iti pannakagun-od dagitoy a makinaria idi Hunio 6, 2013 manipud idiay DA-Ilocos Norte Provincial Center (INPC), Batac City, Ilocos Norte.
Dagiti nakagun-od nga asosasion ti mannalon kadagitoy a maited a pagsayaatan ket iti Pug-os Farmer’s Association nga idauluan ni Mr. Elmer G. Bromeo (Kuliglig with complete Accessories); Reaper ti Sisim Farmer’s Association nga idauluan ni Mr. Joselino Carbonel, Presidente ken Rice Thresher ni Kagawad Edgardo Garcia, FA President, Turod Farmer’s Association.
Naidagas dagitoy a makinaria ditoy arubayan ti Munisipio ket inimatangan ni SBM Benedicto M. Savellano, Committee Chair on Agriculture agraman dagiti pannakabagi ti DA-LGU Cabugao iti panangyawid dagiti naagapad nga agtagikua nga asosasion kadagitoy a makinaria.
Ti pannakaited dagitoy a ramit-agrikultura ket gubuay ti napintek a programa ti Gobierno Munisipal nga idauluan ni Mayor Ediboy tapno maited ti husto a kasapulan dagiti mannalon ket maparegtada a tumulong iti pannaka-ipaadu ti apit ken mangingato ti masapulanda a mangpasayaat ti biag dagiti mayoridad nga umili ti Cabugao, Ilocos Sur. # (Web In-Action)
No comments:
Post a Comment