Wednesday, June 12, 2013

SEEDLINGS, NAITED KADAGITI BRGYS. PARA ITI TREE PLANTING

Cabugao, Ilocos Sur – Naikkan  dagiti barangay ti seedlings kas kalikagumda  manipud iti Municipal  Plant and Nursery, Brgy. Baclig, Cabugao, Ilocos Sur idi Hunio 11, 2013.

Daytoy a gannuat ket panagsaganada  iti pannakipasetda iti maaramid a nasaknap a  Tree Planting Activities iti pannakaselebrar ti Independence Day iti intero a pagilian iti Hunio 12, 2013.

Sakbayna, napagnunumuan iti naangay nga ABC Monthly Meeting iti SB-ABC Hall  babaen iti panangipakaammo ni MLGO Officer V Constancia L. Quinola iti direktiba ti DILG a maselebraran ti Independence Day babaen ti panagmula ti kayo ken aktibidad  para iti Arbor Day.

Iti pannaki-amad ti Web In-Action idi Hunio 11, 2013, imbatad ni MENRO Edgar S. Balangatan nga adda  20 a  bilang ti barangay a nagkiddaw  kadagiti klase ti seedlings kas iti Butchina (Palm Tree, Mahogany ken Gmelina.

Ti Municipal Plant and Nursery ket naiyataday  unay iti gannuatna a nagpatanor/nagurnong  kas nasapsapa  iti seedlings   kas panangannurot ti direktiba ti Local Chief Executive  tapno adda madadaan a maimula kadagiti aktibidades ti Tree Planting  iti panagmumula a bulan ita a Tawen 2013.# (Web In-Action)

No comments:

Post a Comment