Cabugao, Ilocos Sur – Naangay ti Re-echo Seminar on Beginning Reading: A Basic Learning Tool for Kindergarten and Grade 1 Teachers iti Social Hall, Cabugao South Central School idi Hunio 7-8, 2013 a nagatendaran dagiti School Heads nga idauluan ni Public Schools District Supervisor Helen V. Siruno iti Cabugao DepED District agraman dagiti mangisursuro ti Kindergarten ken Grade 1 iti 26 a pageskuelaan ti Cabugao, Ilocos Sur.Nagpaay a Trainors da Ms. Virgie C. Tipon, Ms. Clarett Liezl B. Sambrana, Ms. Rodelita A. de Leon, Mr. Nestor I. Cobangbang, Jr. ken Ms. Haydee T. Duque.
Kangrunaan a nagkonsentraran dagiti topiko a nawarwar iti dua nga aldaw ket iti nadumaduma nga approaches ti panagisuro, kinasagana ti ubbing nga agadal iti panagbalikas ken panagsurat, demonstration teaching, preparation of instructional materials ken dadduma pay a napateg a topiko/techniques a kanaig ti epektibo ken nakalidad a wagas a panagisuro ti ubbing.
Naaramat pay dagiti video presentations, chart reading ken workshops a nangpapintek ti naipaagsep a mayadal.
Iti Words of Challenge ni Cabugao DepED Supervisor Helen V. Siruno, dinakamatna ti pateg ti panangasa ti kabaelan nga agisuro a mangiladawan ti kalidad ti edukasion a mangmuli kadagiti ubbing.
Kalpasan ti Awarding Ceremonies, pinagyamanan ni Mrs. Melvi S. Sajonia, Principal II, Cabugao South Central School kas host iti paseminar ket dinayawna dagiti padana a mangisursuro iti reggetda a nakigamulo iti dua nga aldaw a panagsanay a mangiyagpang iti kabaelanda iti tay-ak ti panagisuro.
Nagpaay nga Emcee da Mrs. Virgie C. Tipon ken Mrs. Clarett Lieszl B. Sambrana. # (Web In-Action)
No comments:
Post a Comment