Cabugao, Ilocos Sur – Iti pannakiuman ti Web In-Action idi Hunio 14, 2013, imbatad dagiti RHU-Cabugao Personnel nga adu ti bilang ti nagpa-Dental iti dayta nga aldaw ti Biernes gapu ta awan ti Dentista iti napalabas nga eskediulna.
Innayonda nga adu met ti bilang ti nagpa-Check-up kadagiti gagangay a sagubanit a kas iti gurigor, uyek ken panateng ngem awan ketdi ti nairekord a kaso ti typhoid fever ken dengue a pagam-amkan a rumsua itoy a panagbalbaliw ti klima.
Adda met latta iti naka-eskediul ti panagpabakuna dagiti inna iti maladagada iti Anti-DPT, Check-up ti Blood Pressure nangruna dagiti nataengan. Maibilang latta met nga agpaagas dagiti ubbing, agtutubo ken agkabannuag nga umili a naggapu iti nadumaduma a barangay.
Ti pannakasigud a maagasan ti tumaud a sagubanit ket dagus a maaksionan ken maikkan iti pannakataripato babaen iti agtultuloy a panangited iti umisu a serbisio dagiti Personnel ti Rural Health Unit (RHU)-Cabugao tapno maliklikan iti panagwaras ti sakit. # (Web Situational Report)
No comments:
Post a Comment