Cabugao, Ilocos Sur – Kalpasan ti Flag Ceremony iti Enero 4, 2016, kinablaawan ni Mayor Edgardo “Ediboy” S. Cobangbang, Jr. dagiti katinnarabayna nga Opisiales-Lokal ti Ili, Department/Section Heads dagiti Opisina ti LGU ken dagiti amin a Personnel a mangbukbukel ti Pamilia-LGU Cabugao iti panangrugi ti panagtarabahoda iti umuna a Lunes ti Tawen 2016.
Nangipaay ti Ama ti Ili iti pangablaaw para iti sapasap ken dagiti naiyam-ammo nga Empleado a maselebraran iti panagkasangayna iti Enero 2016 ken nangibislin pay kadagiti napateg a binatog a pagpampanunotan dagiti padana a Public Servants; pinadayawanna dagiti nag-duty nga LGU Personnel kabayatan iti Holiday kangrunaan dagiti kameng ti PNP, BFP ken ti RHU. Insupusopna pay nga awan ti pangisukatanna kadagitoy a naipakita ket inggunamgunamna a maitultuloy koma a maaramid dagitoy.
“God bless us all!” imbatad ti Municipal Chief Executive.
Nupay kasta, innayonna a kolektibo a gapuanan ti panagballigi iti selebrasion ket nagasat a busat ti panagrubuat ti Tawen 2016 dagitoy a nagapuanan ti LGU-Cabugao. Dinakamat pay ti Ama ti Ili iti naragsak ken natalna a panagselebrar ti sapasap iti Paskua ken iti Baro Tawen; iti napintas a makuna dagiti Balikbayan ken Bakasionista kabayatan iti pannakaselebrar ti Holiday Season.
Pinadayawan pay ni Mayor Ediboy ti Kapolisan agraman iti BFP iti nagtultuloy a pannakamantener ti linak ken talna partikular iti kallabes a napaut a Holiday Season (Paskua 2015 ken ti New Year 2016).
Kabayatanna, inyawat ni Mayor Ediboy ti Certificate of Recognition ken ni Miss Jessie Ann O. Tabut nga impaay ti Pantawid Pamilyang Pilipino Program (4Ps), Field Office 1, San Fernando City, La Union iti Department of Social Welfare and Development (DSWD) kas Most Outstanding Municipal Link of the Provincial Operations Office of Ilocos Sur kalpasan ti naaramid a 4 Ps Implementation Review 2015.
Naigiddan met a naited ti Certificate of Recognition iti Municipal Operations Office, Cabugao, Ilocos Sur a Most Institutionalized Conduct of C/MAC Meetings of the Provincial Operations Office of Ilocos Sur.
Naited dagitoy a nadakamat a pammadayaw idi Disiembre 14, 2015 idiay Crown Legacy Hotel, Baguio City babaen ken ni Hon. Marcelo Nicomedes J. Castillo, Regional Director ti DSWD Regiona 1.
Nakikaysa dagiti Konsehales ti ili nga isuda SBM Danny Q. Gazmen; SBM Vicky S. Serna; Dr. Jemaima S. Tan-Yee; SBM Jayhan Charisma Alcid-Tan; SBM Josefina S. Vallejo ken ni MSWD Officer Mrs. Lydia S. Gazmen a nangbayabay ken ni Mayor Ediboy a nagiyawat ken nangallawat kadagiti pammadayaw nga inted ti DSWD. # (Web In-Action)
Nangipaay ti Ama ti Ili iti pangablaaw para iti sapasap ken dagiti naiyam-ammo nga Empleado a maselebraran iti panagkasangayna iti Enero 2016 ken nangibislin pay kadagiti napateg a binatog a pagpampanunotan dagiti padana a Public Servants; pinadayawanna dagiti nag-duty nga LGU Personnel kabayatan iti Holiday kangrunaan dagiti kameng ti PNP, BFP ken ti RHU. Insupusopna pay nga awan ti pangisukatanna kadagitoy a naipakita ket inggunamgunamna a maitultuloy koma a maaramid dagitoy.
“God bless us all!” imbatad ti Municipal Chief Executive.
Nupay kasta, innayonna a kolektibo a gapuanan ti panagballigi iti selebrasion ket nagasat a busat ti panagrubuat ti Tawen 2016 dagitoy a nagapuanan ti LGU-Cabugao. Dinakamat pay ti Ama ti Ili iti naragsak ken natalna a panagselebrar ti sapasap iti Paskua ken iti Baro Tawen; iti napintas a makuna dagiti Balikbayan ken Bakasionista kabayatan iti pannakaselebrar ti Holiday Season.
Pinadayawan pay ni Mayor Ediboy ti Kapolisan agraman iti BFP iti nagtultuloy a pannakamantener ti linak ken talna partikular iti kallabes a napaut a Holiday Season (Paskua 2015 ken ti New Year 2016).
Kabayatanna, inyawat ni Mayor Ediboy ti Certificate of Recognition ken ni Miss Jessie Ann O. Tabut nga impaay ti Pantawid Pamilyang Pilipino Program (4Ps), Field Office 1, San Fernando City, La Union iti Department of Social Welfare and Development (DSWD) kas Most Outstanding Municipal Link of the Provincial Operations Office of Ilocos Sur kalpasan ti naaramid a 4 Ps Implementation Review 2015.
Naigiddan met a naited ti Certificate of Recognition iti Municipal Operations Office, Cabugao, Ilocos Sur a Most Institutionalized Conduct of C/MAC Meetings of the Provincial Operations Office of Ilocos Sur.
Naited dagitoy a nadakamat a pammadayaw idi Disiembre 14, 2015 idiay Crown Legacy Hotel, Baguio City babaen ken ni Hon. Marcelo Nicomedes J. Castillo, Regional Director ti DSWD Regiona 1.
Nakikaysa dagiti Konsehales ti ili nga isuda SBM Danny Q. Gazmen; SBM Vicky S. Serna; Dr. Jemaima S. Tan-Yee; SBM Jayhan Charisma Alcid-Tan; SBM Josefina S. Vallejo ken ni MSWD Officer Mrs. Lydia S. Gazmen a nangbayabay ken ni Mayor Ediboy a nagiyawat ken nangallawat kadagiti pammadayaw nga inted ti DSWD. # (Web In-Action)
No comments:
Post a Comment